Page 8 - Innovatsion iqtisodiyot

INNOVATSION IQTISODIYOT
Akram XASHIMOV

KIRISH

Bugungi kunda dunyo muttasil rivojlanib, taraqqiyotning yuqo-
ri cho‘qqilarini zabt etmoqda. Hozirda zamonaviy inson o‘zini
telefon, kompyuter, avtomashina, maishiy texnika, yaʼni kundalik
hayotimizning ajralmas qismiga aylanib ulgurgan yangiliklarsiz
tasavvur qila olmaydi. Mahalliy va xorijiy olimlar innovatsiyalar
iqtisodiy va ijtimoiy rivojlanishning asosiy harakatlantiruvchi kuchi

ekanligini eʼtirof etishadi. Innovatsion faoliyat jahon hamjamiyatini
rivojlanishning yangi, yuqori bosqichiga olib chiqdi.
Mamlakatimiz rahbari innovatsiyalarning mamlakatimiz ijtimoiy -
- iqtisodiy hayotidagi o‘rni borasida to‘xtalar ekan “Xalqimiz
dunyoqarashida innovatsiya muhitini yaratish eng muhim
vazifamizdir. Innovatsiya bo‘lmas ekan, hech bir sohada raqobat,
rivojlanish bo‘lmaydi. Bu sohadagi o‘zgarishlarni xalqimizga keng
targ‘ib qilmasak, odamlarda ko‘nikma paydo qilmasak, bugungi
davr shiddati, fan-texnika ning mislsiz yutuqlari bilan hamqadam

bo‘lolmaymiz” deb taʼkidla gan edi.
1
“Innovatsiya” atamasini taʼriflashda ko‘plab fikr va qarashlar
mavjud. Olim va mutaxassislarning baʼzilari innovatsiyani yangi
mahsulot ko‘rinishida taqdim qilinuvchi innovatsion faoliyatning
yakuniy natijasi sifatida talqin qilishsa, boshqalar uni amalda
qo‘llaniluvchi qandaydir yangi texnologik jarayon sifatida taʼrif-
lashadi.

Innovatsiyalar iqtisodiyotga katta taʼsir ko‘rsatadi. Hozir
innovatsiyalar kirib bormagan va qo‘llanilmayotgan sohani topish
o‘ta mushkul. Bugungi kunda jamiyat ijtimoiy-iqtisodiy hayotiga
innovatsiyalarning taʼsiri yaqqol ko‘zga tashlanuvchi asosiy jihatlarni
ajratib ko‘rsatishimiz mumkin. Birinchidan, innovatsiyalarning
mahsulot sifatiga taʼsiri bois, inson ehtiyojlariga to‘la mos mutlaqo
yangi yoki takomillashtirilgan mahsulotlar paydo bo‘ladi. Bu o‘z
navbatida inson ehtiyojlarining tarkibi va mazmuniga ham taʼsir

1 1.Sh. Mirziyoyev. Yangi O‘zbekiston strategiyasi. – Toshkent: O‘zbekiston nashriyoti, 2021. – 464 bet.
7