Page 23 - shehidler

Mehdiyev Zahir Zakir oğlu – 27 aprel 1984-cü
ildə Kürdəmir rayon Qarabucaq kəndində
anadan olub. 2020-ci il oktyabrın 1-də MH-nin
əmri ilə ehtiyatda olan zabit Zahir Mehdiyev
Beyləqan korpusunun Ağcabədidə, Minəxor
kəndində Quru Qoşunlarında motoatıcı taqım
komandirinin müavini təyin edilir. Müharibə
başladığı 5 gün idi və Zahir də Füzuli
istiqamətində döyüşə qatılır. Füzulinin,
Xocavəndin işğaldan azad olunmasında
iştirak edən Zahir noyabrın 3-də şəhid olur.
Zahir Mehdiyev 4 dekabrda Kürdəmir rayon
Şəhidlər Xiyabanında dəfn edilib. Zahir
ölümündən sonra Azərbaycan
Respublikasının Prezidenti İlham Əliyevin
müvafiq sərəncamı ilə “Vətən uğrunda”,
“Cəsur döyüşçü” medalları ilə təltif olunub.

Babayev Ramil Taqət oğlu – 12 dekabr 1991-
ci ildə Kürdəmir rayonunun Şilyan anadan
olub. Ramil Babayev Vətən müharibəsinin ilk
günündən kəşfiyyatçı kimi Quru Qoşunlarda
döyüşə qatılır. O, sentyabrın 29-da Murovdağ
istiqamətində gedən döyüşlərdə itkin düşür.
Ramil Babayevin nəşi ölümündən 4 ay sonra
2021-ci ilin yanvarın 31-də rayonun Şəhidlər
xiyabanında torpağa tapşırılır. Vətən
müharibəsində göstərdiyi rəşadətə görə
Ramil Taqət oğlu Babayev ölümündən sonra
Azərbaycan Respublikasının Prezidenti İlham
Əliyevin müvafiq sərəncamı ilə “Vətən
uğrunda”, “Suqovuşanın azad olunmasına
görə” medalları ilə təltif olunmuşdur.