Page 30 - shehidler

Dadaşov Nurlan Səyyad oğlu – 27 sentyabr
2001-ci ildə Kürdəmir rayonunun Qarasaqqal
kəndində anadan olub. Xususi təyinatlı
qüvvələrdə xidmət edən Nurlan, Vətən
müharibəsi başlayarkən Murovdağ, Füzuli,
Cəbrayıl, Xocavənd istiqamətlərində
döyüşlərdə iştirak edib. Oktyabrın 3-də
Cəbrayıl istiqamətindəki döyüşdə igidlik
göstərərək qəhrəmancasına Şəhid olub.
Qəhrəman Şəhidimiz oktyabrın 4-də Şahsevən
kənd qəbiristanlığında torpağa tapşırılıb.
Nurlan Səyyad oğlu Dadaşov ölümündən
sonra Azərbaycan Respublikası Prezidentinin
Sərəncamları ilə “Vətən uğrunda” , “Füzulinin
azad olunmasına görə” , ”Cəsur döyüşçü” ,
“Kəlbəcərin azad olunmasına görə” medalları
ilə təltif olunub.

Əhmədov İlqar Xəqani oğlu – 18 mart 1999-cu
ildə Kürdəmir rayonunun İsmayıllı kəndində
anadan olub. 2020-ci il sentyabrın 21-də
səfərbərliklə Ağcabədiyə təlimə gedən İlqar 27
sentyabrda Füzuli istiqamətində döyüşlərə
qatılıb və Füzuli, Xocavənd, Şuşa uğrunda
rəşadətlə döyüşüb. İlqar Əhmədov noyabrın 9-
da Xocavənddə , ağır döyüş zamanı Şəhid
olub. Onun nəşi 11 gün sonra-20 noyabrda
kənd qəbiristanlığında dəfn olunub. Qəhrəman
Şəhidimiz İlqar Əhmədov ölümündən sonra
Azərbaycan Respublikası Prezidentinin
Sərəncamları ilə “Vətən uğrunda”, “Xocavəndin
azad olunmasına görə” medalları ilə təltif
olunub.