Page 31 - shehidler

Osmanov Nizami Elşad oğlu - 29 mart 2002-ci
ildə Kürdəmir rayonunun Şahsəvən kəndində
anadan olub. Vətən müharibəsində ön
cəbhədə - Talış kəndi və Suqovuşanın azad
olunması uğrunda cəsarətlə vuruşan Nizami
oktyabrın 14-də Suqovuşan istiqamətində
gedən ağır döyüşdə qəhrəmancasına Şəhid
olub. Onun nəşi 2020-ci il noyabrın 7-də
Şahsevən kəndi Ağ künbəz qəbiristanlığında
torpağa tapşırılıb. Osmanov Nizami Elşad oğlu
ölümündən sonra Azərbaycan Respublikası
Prezidentinin Sərəncamları ilə “Vətən
uğrunda”, “Suqovuşanın azad olunmasına
görə” və ”Cəsur döyüşçü” medalları ilə təltif
olunub.

Yünisov Murad Bayram oğlu - 10 sentyabr
2001-ci ildə Kürdəmir rayonun Şahsevən
kəndində anadan olub. Müharibə başlayanda
BTR hərbi texnikasında topçu, atıcı olan Murad
Füzuli, Horadiz, Cəbrayıl, Zəngilan, Xocavənd,
Laçın rayonlarının işğaldan azad olunması
uğrunda 40 gün döyüşüb.Noyabrın 4-də Murad
Laçın rayonu uğrunda gedən ağır döyüşlərdə
qəhrəmancasına şəhid olub. Noyabrın 5-də
qəhrəman Şəhidimiz Şahsevən kəndi Ağ
künbəz qəbiristanlığında torpağa tapşırılıb.
Murad Bayram oğlu Yunusov Azərbaycan
Respublikasının Prezidenti İlham Əliyevin
Sərəncamı ilə ölümündən sonra “Vətən
uğrunda” , “Xocavəndin azad olunmasına görə”
, “Füzulinin azad olunmasına görə” , “
Cəbrayılın azad olunmasına görə” medalları ilə
təltif olunub.