Page 33 - shehidler

Ömərov Elvin Xeybər oğlu – 18 avqust 1991-ci
il Kürdəmir rayonunun Qarasu kəndində
anadan olub. 27 sentyabr 2020-ci ildə Vətən
müharibəsi başlayarkən baş gizir Elvin Ömərov
taqımın önündə gedərək Hadrut, Cəbrayıl,
Füzuli, Xocavənd uğrunda rəşadətlə döyüşüb.
10 oktyabrda Elvin Ömərov Hadrutda
snayperlə vurularaq, ürəyindən aldığı ağır
yaradan şəhid olub. O, 13 oktyabrda Kürdəmir
rayonunun Qarasu kənd qəbiristanlığında dəfn
olunub. Baş gizir Elvin Xeybər oğlu Ömərovun
şücaəti Azərbaycan Respublikasının
Prezidenti İlham Əliyevin Sərəncamı ilə
ölümündən sonra “Vətən uğrunda” ,
“Xocavəndin azad olunmasına görə” ,
“Füzulinin azad olunmasına görə” , “Cəsur
döyüşçü” medalları ilə təltif olunub.

Ömərov Qoşqar Səxavət oğlu – 9 fevral 1994-
cü il Kürdəmir rayonunun Şilyan(Qarasu)
kəndində anadan olub. 2020-ci il sentyabrın
21-də Vətənin çağırışına qoşularaq ordu
sıralarına daxil olan Qoşqar, sentyabrın 27-də
Füzuli istiqamətində müharibəyə qatılıb.
Qoşqar Ömərov 4 noyabrda Şuşa ətrafında
gedən döyüşlərdə, Daşaltı kəndində şəhidlik
zirvəsinə yüksəlib. O, 5 noyabrda Kürdəmir
rayonunun Qarasu kənd qəbiristanlığında dəfn
olunub. Şəhid müəllim – Qoşqar Səxavət oğlu
Ömərov ölümündən sonra Azərbaycan
Respublikasının Prezidenti İlham Əliyevin
Sərəncamı ilə “Vətən uğrunda”, “Füzulinin
azad olunmasına görə” “Xocavəndin azad
olunmasına görə” , “Şuşanın azad olunmasına
görə” və “Cəsur döyüşçü” medalları ilə təltif
edilib.