Page 37 - shehidler

Azayev Ülvi Maxsud oğlu – 4 dekabr 2001-ci
ildə Kürdəmir rayonunun Ərəbqubalı kəndində
anadan olub. Vətən müharibəsində Daşaltı,
Talış, Suqovuşan istiqamətlərində rəşadətlə
döyüşən Ülvi oktyabrın 2-də düşmənlə üzbəüz
döyüşdə snayperlə başından vurulub və aldığı
ağır yaradan şəhid olub. İgid şəhidimiz
oktyabrın 4-də Ərəbqubalı kənd
qəbiristanlığında dəfn edilib. Ülvi Maqsud oğlu
Azayev ölümündən sonra Azərbaycanın
Respublikası Prezidentinin Sərəncamları ilə
“Vətən uğrunda” və “Laçının azad olunmasına
görə” medalları ilə təltif olunub.

Səlimov Şiralı Vüqar oğlu - 1 yanvar 2000-ci
ildə Kürdəmir rayon Sor-sor kəndində anadan
olub. 27 sentyabr 2020–ci ildə “Vətən
müharibəsi” başlananda Cəbrayıl, Xocavənd
və Füzuli rayonlarının, Hadrut qəsəbəsinin və
bir çox kəndlərin düşməndən azad edilməsində
fəal iştirak edib. Şiralı Şuşa şəhərinin
düşməndən azad edilməsi uğrunda gedən
döyüşlərdə qəhrəmancasına şəhid olur. Şəhid
Səlimov Şiralı Vüqar öğlunun nəşi 11 noyabr
2020-ci ildə Kürdəmir rayonunun Sor-sor kənd
qəbristanlığında dəfn olunub. Qəhrəman
şəhidimiz ölümündən sonra Azərbaycan
Respublikası Prezidentinin müvafiq sərəncamı
ilə “Vətən uğrunda” , “Şuşanın azad
olunmasına görə” , “Füzulinin azad olunmasına
görə” , “Xocavəndin azad olunmasına görə” ,
“Cəsur döyüşçü” medalları ilə təltif edilib.