Page 34 - shehidler

Məmmədov Xaqani Mürşid oğlu – 15 may
2000-ci ildə Kürdəmir rayonunun Mürtülü
kəndində anadan olub. 21 sentyabr 2020-ci
ildə səfərbərliyə cəlb olunur. 27 sentyabrdan 6
noyabradək Vətən müharibəsində cəsarətlə
döyüşən Xaqani Xocavənd istiqamətində şəhid
olur. Xaqaninin nəşi 18 noyabrda Kürdəmir
rayonunun Mürtülü kəndində torpağa tapşırılıb.
Xəqani Mürşid oğlu Məmmədov ölümündən
sonra Azərbaycan Respublikası Prezidentinin
müvafiq sərəncamı ilə “Vətən uğrunda” və
“Xocavəndin azad olunmasına görə” medalları
ilə təltif olunub.

Zülfüqarov Məlik Kamran oğlu – 27 iyul 2001-
ci ildə Kürdəmir rayonunun Karrar qəsəbəsində
anadan olub. Vətən müharibəsi zamanı Füzuli
istiqamətində döyüşən Məlik 20 oktyabrda
düşmənlə üzbəüz döyüşdə şəhid olub. Məlikin
nəşi 21 oktyabrda doğulub böyüdüyü Karrar
qəsəbəsində torpağa tapşırılıb. Məlik Kamran
oğlu Zülfüqarov ölümündən sonra Azərbaycan
Respublikası Prezidentinin müvafiq sərəncamı
ilə “Vətən uğrunda” , “Füzulinin azad
olunmasına görə” , “Xocavəndin azad
olunmasına görə” medalları ilə təltif edilib.