Page 35 - shehidler

İmamverdiyev Elnur Vəfadar oğlu – 9 yanvar
2001-ci ildə Kürdəmir rayonunun Carlı
kəndində anadan olub. Müxtəlif bölgələrdə
təlim və kurslarda kəşfiyyatçı kimi ixtisaslaşan
Elnur Vətən müharibəsi başlayan gündən
Cəbrayıl, Hadrut, Füzuli, Zəngilan, Xocavənd,
Qubadlı rayonlarının işğaldan azad
olunmasında iştirak edib. Elnur 25 oktyabrda
Silahlı Qüvvələrin Baş Klinik Hospitalında baş
beyinin ağır travmasından şəhid olur. Elnur 26
oktyabrda Carlı kənd qəbiristanlığında torpağa
tapşırılır. Elnur İmamverdiyev ölümündən
sonra Azərbaycanın Respublikası
Prezidentinin sərəncamları ilə “Vətən uğrunda”
və “ Cəbrayılın azad olunmasına görə”
medalları ilə təltif olunub.

Tarverdiyev Feyruz İslam oğlu – 22 iyul 1996-
cı ildə Kürdəmir rayonunun Sığırlı kəndində
anadan olub. 2020- ci ilin sentyabrında
cəbhəyə səfərbər olunan Feyruz Quru
qoşunlarında baş atıcı kimi noyabr ayınadək
Xocavənd istiqamətində döyüşlərdə igidliklə
döyüşüb. Noyabrın 6-da şəhid olan Feyruzun
nəşi neytral ərazidə qaldığı üçün noyabrın
sonunda tapılaraq, doğma kəndinə gətirilib və
30 noyabrda Sığırlı kənd qəbiristanlığında dəfn
olunub. Şəhid Feyruz İslam oğlu Tarıverdiyev
ölümündən sonra Azərbaycan Respublikası
Prezidentinin müvafiq sərəncamları ilə “Vətən
uğrunda” və “Cəsur döyüşçü” medalları ilə təltif
olunub.