Page 28 - Педагогика

үлкендерді еліктеп, мѳлшерден артық ас ішеді. Мұның зиян
екені белгілі.
Баланы шомылдыру. Баланы шомылдыру оны кірден
тазартады. Бойын жеңілдетеді, еңсесін кѳтереді.
Жаңа туған баланы шомылдыратын судың жылылығы үш
айға дейін Рьюмер бойынша – 29 градус. Үшінші айдан жыл
аяғына дейін 28 градус, екінші жылда 27 градус, мұнан
былайғы жылдарда 26-25 градус болып, бала ѳскен сайын
тѳмендей берсін. Ең тѳмендегенде 22 градустан кем болмауға
тиісті. Жаңа туған баланы су ішінде 5 минут, ай жарымдық
баланы 8 минут ұстау керек. Бұдан артық ұстауға болмайды.
Бала әлсіреп қалады.
Әуелгі тоғыз күн ішінде тәулікте екі рет, ай жарымға дейін
бір рет, 6 айға дейін жетіде 3-2 рет, екі жастан соң жетіде бір
шомылдырып отыру керек. Баланы тамақ берердің,
ұйықтаудың алдында шомылдыру артық. Баланы
шомылдыратын үйдің жылылығы 17-18 градустан жоғарырақ
болсын.
Баланы шомылдырып болған соң, әсіресе, қолтықтарын,
мойнын, шабын жақсылап қарау керек. Кѳзін, құлағын, басын
таза ұстау керек. Былық қолыңмен баланың кѳзін тазалаушы
болма. Неше түрлі кѳз ауруы осыдан болады. Тамақ бергеннен
кейін баланың аузын тазалап отыру керек. Таза шүберекті
қайнаған суға малып, шынаяққа орап тазарт. Есін білген
баланы ас ішкеннен кейін аузын шайқауға үйрету керек. Аузы
иісті болмайды, тісі бұзылмайды. Пісуіне, шынығуына тұзды
судың пайдасы бар. Ал енді, баланы маймен сылау тіпті де
дұрыс емес. Май терінің тесіктерін бітеп тастайды. Еңсені
кѳтертпейді. Ауырайтады, кірлетеді, терлетеді. Баланы “ѳс, ѳс,
ѳс!” деп денесінің құрыс-тырысын жазу аса теріс болмас. Бірақ
еп керек. “Ѳс, ѳс, ѳс!” деп баланың бір жерін шығарып
алып жүрме.
Киім. Баланың дұрыс ѳсуінің негізгі бір шарты киімнің
дұрыс болуы. Баланы желге, күнге тигізбеймін деп орап,
24