Page 16 - NCPHWR_Public_Report-2018-welsh-print_Neat

Cyfathrebu â Chynulleidfa Ehangach

Dylanwadu ar Bolisi

Trwy gydol y flwyddyn, mae NCPHWR wedi cyflawni nifer o
weithgareddau gyda’r nod o ddylanwadu ar bolisi.

Gwahoddwyd academyddion o’r Rhwydwaith Ymchwil Iechyd
Mewn Ysgolion (SHRN) i ymuno â’r Bwrdd Cynghori Sefydliadau
Addysg ar Weithredu Polisïau Iechyd mewn Ysgolion a hefyd
Grŵp Atal y Bwrdd Cyflawni ar Reoli Tybaco. Mae SHRN hefyd
yn gweithio gydag Ysgolion Arloesi Llywodraeth Cymru i roi dull
gweithredu seiliedig ar dystiolaeth ar waith i wella’r effeithiau
ar iechyd disgyblion.

Ym mis Mawrth, rhoddodd Simon Murphy, Dirprwy Gyfarwyddwr
y Ganolfan, dystiolaeth arbenigol i Bwyllgor Iechyd, Gofal
Cymdeithasol a Chwaraeon Cynulliad Cenedlaethol Cymru
gan drafod cyflwr iechyd a llesiant plant. Bydd y dystiolaeth a
ddarparwyd yn cael ei defnyddio nawr i lywio polisi.

Gweithio gyda’r GIG

Mae gallu’r Ganolfan i werthuso data cymhleth sy’n ymwneud â’r cyhoedd a
chleifion ar draws Cymru yn golygu bod ein gwaith yn arbennig o ddefnyddiol i’r GIG.
Cynhyrchir llawer o’r cynigion ariannu a’r prosiectau ymchwil ar y cyd â chlinigwyr,
rheolwyr a staff gwybodeg y GIG. Nod cyfran sylweddol o’n gwaith ymchwil yw
darganfod atebion y gall y GIG eu defnyddio, naill ai i wella gwasanaethau neu i
ddeall yn well sut y gall ymddygiad effeithio ar y ffordd y bydd cleifion yn defnyddio
ysbytai a gwasanaethau iechyd yn y gymuned.

Defnyddiodd tîm Iechyd y Cyhoedd Bwrdd Iechyd Prifysgol Abertawe Bro Morgannwg
ddata ymchwil a gynhyrchwyd gan rwydwaith HAPPEN i lywio’i gynllun gwaith ar
wella iechyd meddwl plant.

Mae ymchwilwyr NCPHWR, gan gefnogi Cydweithrediaeth GIG Cymru, wedi
creu dangosyddion amser teithio gan ddefnyddio mapiau System Gwybodaeth
Ddaearyddol (GIS) i helpu GIG Cymru i drosi data y gellir eu defnyddio i ddeall
tueddiadau ymddygiad yn well.

11