Page 100 - Getroud met 'n Leuen

NabasDiep VERLIEF OP 'n LEUEN

pas. Hulle is onbuigsaam. Dit bevoordeel narsiste om vennote te hê wat bereid is om "met
die vloei te gaan" en wat nie 'n groot bohaai oor alles maak nie. As jy bereid is om die mindere
te wees, uiters buigsaam te wees, en bereid is om al jou begeertes, skedules, behoeftes en
reëlings te laat oorheers, dan is jy presies waarna die toksiet soek.

Hoekom Is Daar So 'n Sterk Aantrekkingskrag Tussen 'n Toksiet En 'n Empaat?

Die empaat hoop om werklik gesien en geliefd te wees deur die narsis. Trouens, hulle gevoel
van waarde is gekoppel daaraan om deur hulle toksiese vennoot lief gehê te word. 'n
Onderbewuste denkproses vind plaas, waardeur die empaat glo dat, as hulle die uitdaging
kan oorkom om die toksiet te kry om hulle lief te hê, dan sal hulle waarde bekragtig word.
Met ander woorde, as hulle die persoon kan kry om iemand lief te hê waartoe hy nie in staat
is om lief te hê nie, en hulle kry dit reg, dan is hulle werklik die toksiet se liefde waardig. Hulle
probeer om die gewonde toksiet te genees met die hoop dat wanneer hulle eers genees is,
hulle op hulle beurt die empaat sal voorsien van die liefde en erkenning wat hulle so desperaat
begeer.

Onderliggende aan hulle onderbewustelike begeerte om liefde te soek van die liefdelose
narsis, is 'n uitvloeisel uit 'n kinderjare verhouding dinamika waar hulle ongeliefd gevoel het
of verwerp was deur 'n primêre versorger. Die empaat kon nie die onvoorwaardelike liefde
ontvang wat elke kind nodig het nie. Dit kon plaasgevind het as gevolg van 'n toksiese ouer(s),
of met ouer(s) wat nie beskikbaar was vir hulle emosionele behoeftes nie (d.w.s. moet
opgemerk word, moet erken word vir 'n mens se sterkpunte, aanvaar en lief gehê word). Nou
in hulle volwassenheid, probeer die empaat erkenning soek en om die waardering te voel,
wat hulle nie as kind gevoel het nie. Maar nou is daar meer op die spel. Om liefde van net
enigiemand te ontvang, sal nie hulle lae selfwaarde herstel nie. In hulle gedagtes is dit slegs
deur die liefdelose toksiet te verander in die liefdevolle ouer wat hom aanvaar, kan hulle
eiewaarde herstel word. Verder het die empaat, as gevolg van vroeë wanbevrediging en/of
emosionele onbeskikbaarheid van die primêre ouerfiguur, geleer om liefde met pyn te
assosieer. Daarom is hulle verdraagsaam om mishandel te word deur hulle toksiese vennoot.
Die empaat gooi al sy energie agter die verhouding met die toksiet in, dikwels verdra hy hoë
vlakke van mishandeling, met die hoop dat hulle die liefde wat hulle so desperaat begeer, kan
ontvang. Die empaat blaf egter teen die verkeerde boom op. Om 'n toksiet in 'n emosioneel
beskikbare en liefdevolle vennoot te probeer herskep, is nie moontlik nie. Die toksiet moet
besluit om te verander. Solank as wat die empaat die toksiet se ontevrede gevoelens koester,
sal die toksiet nie hulle eie gevoelens hoef te voel nie. Sonder om die diepte van hulle eie
gevoelens te voel, kan hulle nie verander nie. In plaas daarvan om te verander, sal die toksiet
waarskynlik nog 'n empaat vind om vir haar oorlewing te verseker, of net meer vernietigend
optree teen die slagoffer.

Empate floreer daarop om mense te help en aandag aan ander te gee, maar probleme
ontstaan wanneer die empaat sy eie behoeftes in die proses ignoreer. Dikwels kan empate
meer bewus wees van ander se gevoelens en wat in hulle omgewing aangaan, as wat hulle
van hulle eie interne toestand is. Hierdie patroon lei tot die onderdrukking van pynlike
gevoelens, en 'n gebrek aan bewustheid oor hoe om hulleself teen ander te beskerm. Hoe
meer ontkoppel die empaat is van eie gevoelens, hoe meer waarskynlik is dit dat hy al sy liefde

* Verwys asseblief na die Verkorte Woordelys agter. 100