Page 108 - Getroud met 'n Leuen

NabasDiep VERLIEF OP 'n LEUEN

gedink dit sou die beste hulpmiddel wees om so 'n verwarrende stryd op te los. Ek het myself
blameer omdat ek nie behoorlik gekommunikeer het nie. Ek het myself blameer omdat ek dit
verloor het en gal gebraak het. Ek het gedink dit was vir my om dit reg te stel. Met nie-
gewelddadige kommunikasie het ek basies sy eie woorde aan die toksiet begin terug kaats en
die teenstrydighede in haar uitsprake beklemtoon. Sy kon dit nie hanteer nie.

Tydens ons finale uitruilings het ek 'n hele verslag van goed wat ek gesê en gedoen het in die
verlede van haar gekry, sommige dateer uit die vroegste tye van die verhouding, verdraai op
'n manier wat gebruik kan word as ammunisie om my karakter te vermoor. Onskuldige
opmerkings wat ek gemaak het oor ander mense, dinge wat ek gesê of gedoen het en
waarvoor ek 'n duisend keer om verskoning gevra het en moes vra. Dit was alles nog daar in
die toksiet se gedagtes, vars en gereed om teen my gebruik te word. Die probleem was dat
ek steeds nie gereed was om te laat gaan nie. Die laaste ding wat sy vir my gesê het, was dat
ons in die toekoms slegs sal praat wanneer ek ophou om haar te vertel dat sy enige skuld aan
die verbrokkeling van die verhouding gehad het.

Die gekaapte kinders.

Tydens die tyd wat hierdie drama ontvou het, het die kinders natuurlik in die donker gesit
want hulle enigste bron van inligting was hulle ma. Die inligting wat deurgegee was, was
deurspek met onwaarhede en verontskuldigings. Helaas was ek nog steeds die skurk en sy die
held, want ek het geen idee gehad, en sou dit ook nooit geglo het, dat ‘n mens ‘n ding soos ‘n
toksiet kry wat al hierdie dinge doen net om hulle valse fasade te beskerm.

Hoe Narsiste 'n Empaat As Slagoffer Identifiseer.
Een van die beste beskrywings is gegee deur dr. Paul Babiak, 'n kenner in Psigopatie. Ek het
dit hier opgesom (met 'n paar van my eie interpretasie) naamlik die wedstrydplan wat hulle
gebruik. Alhoewel die meeste van ons oor die drie stadiums lees, nl. Idealiseer, afbreek en
weggooi, praat dr Babiak ‘n bietjie anders oor die stadiums:

Fase Een - Die Assessering stadium. Dit is waar die Roofdiere beplan om jou te ontmoet en
met jou te probeer kommunikeer om te sien of jy aan hulle vereistes as prooi voldoen. Hulle
kyk na jou lyftaal, luister na die weerstand van jou antwoorde, vra jou baie vrae en skenk
aandag aan jou met opregte oogkontak. Die roofdier bepaal dan watse gebruik hy van jou kan
maak. Goeie kontakte? Seksuele verhouding? Finansiële gewin?, ens. Dit is soos 'n leeu wat
'n bok uitsoek.

Hulle sal dan vinnig opvolg met die insameling van jou kontakinligting soos op sosiale media,
telefoonnommers, ens. Binne minute, ure of dae sal jy gebombardeer word met versoeke van
idealisering van die roofdier wat jou dadelik sal laat glo dat jy iemand baie besonders is en
dat hy geïnteresseerd is in jou en jou graag sal wil ontmoet; iemand wat waarde in jou sien.

Fase Twee - Die Manipulasie stadium. Dit is waar die empate glo dat die meeste mense 'n
tweede kans moet kry, (omdat mense inherent goeie bedoelings het - OF NIE!), maar die
toksiet is besig om sy slagoffer stadig en metodies onder die trans van die PSIGOPATIESE SPEL
te kry. Hulle is baie geneig om ‘n verhouding met spoed aan te jaag, want dit laat minder tyd
om diepsinnig oor alles te dink en in die haas is dit makliker om jou eie grense te skuif en

* Verwys asseblief na die Verkorte Woordelys agter. 108