Page 71 - Getroud met 'n Leuen

NabasDiep VERLIEF OP 'n LEUEN

Vroulike narsiste vertoon geinternaliseerde vrouehaat en sien dikwels ander vroue as
kompetisie. Daar word dus gekyk na die dogter met woede, jaloesie en afguns wat haar eie
nageslag as 'n bedreiging beskou word. As gevolg hiervan kan sy haar dogters se voorkoms
geringskat, haar liggaam kritiseer en haar beskaam. Aan die ander kant sal sommige toksiese
moeders van hulle dogters ‘n afgodsbeeld maak en fisiese perfeksie eis. Sy kan haar dogters
blootstel aan onvanpaste gesprekke oor seks of spog met haar liggaam, en so plaas hulle die
klem slegs op die waarde van die uiterlike. Sy kan haar dogters en seuns leer dat 'n vrou se
waarde afkomstig is van haar liggaam en haar vermoë om mans seksueel te behaag. As die
toksiese ma histrioniese neigings het, kan sy selfs die vriende van haar kinders verlei om haar
meerderwaardigheid oor haar jonger kompetisie te demonstreer. In ander kulture waar
seksualiteit baie meer beperk is, kan die toksiese ma eerder probeer om haar dogters in te
perk en haar te straf omdat sy enigiets minder as algehele onthouding nastreef. Sy kan
versuim om haar dogters te voorsien met voldoende opleiding ten opsigte van seks en hulle
liggame wat besig is om volwasse te word.

Vir die toksiese ma is haar beeld alles. Sy kan die valse beeld van 'n soet, liefdevolle en
liefdadige persoon aan ander voorhou terwyl sy oor ander skinder, betrokke raak by
kleinlikheid en kan haar kinders emosioneel misbruik, fisies of selfs seksueel. Sy geniet die
sosiale status om 'n ma te wees sonder om die werklike ma-wees se werk te doen of daarvoor
verantwoordelikheid te aanvaar. Sy spog met haar kinders sonder om behoorlik na hulle
basiese emosionele en sielkundige behoeftes om te sien. Vir haar is hoe alles lyk, baie
belangriker as hoe hulle eintlik is. Afhangende van haar sosiale stand, kan die toksiese ma die
hulp van ander inroep om vir haar kinders te sorg terwyl sy nalaat om haar kinders liefde of
aandag te gee wanneer hulle in die nabyheid is, en hulle as ‘n oorlas, eerder as mense te
behandel. Sy kan selfs afsydig en koud wees tot op die punt waar sy weier om haar kinders
aan te raak.

Aan die ander kant van die spektrum kan die toksiese ma so betrokke raak met haar kinders
en indring by hulle doen en late dat dit amper soos bedekte emosionele bloedskande is. Sy
maak haar kinders die middelpunt van die wêreld en maak hulle verantwoordelik vir die
vervulling van haar emosionele behoeftes. Eerder as om die verantwoordelikhede van 'n
gesagsfiguur en ouer aan te neem, maak sy haar eie kinders die ouer van haar , wat hulle
verplig laat voel om voorsiening te maak vir haar arbitrêre begeertes en verwagtinge. Sy skend
haar kinders se basiese behoeftes vir privaatheid en outonomie, deurdat sy eis om elke faset
van hulle lewens te ken. Sy gaan hulle kamers binne sonder om te klop, lees hulle dagboeke
en ondervra hulle gedurig oor hulle vriende en romantiese metgeselle. Sy hou haar kinders in
'n ewige toestand van kindwees deur hulle te straf omdat hulle grootword of dit nou beteken
om uit die huis te gaan, te trou, op 'n afspraak te gaan en of dit nou is as hulle bewus word
van hulle seksualiteit.

Die toksiese ma is nie anders as enige ander toksiet nie deurdat sy geregtig voel om haar wil
te laat geld en toksiese beserings te verduur wanneer hierdie gevoel van
meerderwaardigheid op enige manier bevraagteken of bedreig word. As gevolg hiervan is
haar emosies ‘n sielkundige mallemeule van begin tot einde. Van die skielike uitbarstings van
woede of beskuldigings wanneer jy versuim om haar eise te gehoorsaam tot by die skielike

* Verwys asseblief na die Verkorte Woordelys agter. 71