Page 114 - WieEkIs Erin Nel

Hom glo, nie verlore sal gaan nie, maar die ewige lewe sal hê.
God het uitgereik met ‘n hand van verlossing in Sy genade vir
ons, gedryf deur Sy liefde. God het Jesus uit die dood opgewek
en Sy bediening en ewige koningskap daardeur bevestig. Hy het
Sy werk op die kruis vir ewig laat geld en Jesus se mag oor die
dood bevestig. God se hartsbegeerte was om, na al die
mensdom se konstante sonde en wegdraai van Hom af, ons
steeds te verlos en terug te neem na Hom toe. Hy wou ons so
graag red, Hy het Sy eie geliefde kosbare Seun gestuur. Die
Koning van konings, die Een wat was en wat is en wat kom. Jesus
wat alles weer nuutmaak. Jesus gaan alles weer laat terugkom
na die begin. By die einde begin dit weer nuut. Hy gaan hierdie
keer begin met diegene wat Hóm kies, alhoewel Sy begeerte is
dat almal Hom sal kies.

Deur die geskiedenis van die mensdom sien ons, die begin kom
tot ‘n einde (Noag se vloed), dan begin dit en kom weer tot ‘n
einde (wederkoms), dan weer ‘n begin. Die enormiteit van God
se reddende liefde is so fassinerend. Sy liefde is die middelpunt
waarom alles draai wat in ons mensdom se geskiedenis is en
wat nog voorlê.

Om hierdie verhouding van liefde met God te hê wil Hy ons kom
heelmaak en ‘n nuwe, sagte hart in ons kom plaas. Hy wil die
Heilige Gees aan ons kom gee. Ons gaan egter net heel word in
Sy teenwordigheid, in Sy hand, met Jesus as ons Liefde, ons
Bruidegom.

Dis fassinerend om te sien hoe ons almal se persepsies van wie
Jesus is, soms verskil. Ons leer Hom ken in die sondagskool klas,

109