Page 115 - WieEkIs Erin Nel

in die Kinderbybel prentjies. Ons leer Hom ken deur die oë van
medegelowiges en dan is daar nog ook die rolprente wat van Sy
lewe en bediening gemaak is. Die prentjie verskil meestal. Wat
is jou prentjie van Jesus? Het Hy wit hare, bruin hare of dalk
swart hare? Is Hy kort of lank? Is Sy gelaat vriendelik of ernstig?
Voel ons bietjie skepties as ons medegelowiges hoor sê: “Die
Here het by my kom staan en vir my gesê...” Laat dit ons onseker
voel? Of verward in ons eie verhouding met God? Minder
geestelik of dat ons uitmis op iets? Bloot omdat ons ons eie reis
met God vergelyk met ander?

Die belangrikste vraag

Die belangrike vraag is: KEN jy Hom?

Ken jy Hom op so ‘n diep manier, dat jy nie jou verhouding met
Hom hoef te vergelyk met diegene rondom jou se verhouding
met God nie? Laat hierdie kwessie jou eerder uitnooi om Hom
meer en meer te soek, om Hom te ken. Soos Hy Homself aan
jou wil openbaar. Want God openbaar Homself nie aan almal
op dieselfde manier nie.

As ons kyk na karakters uit die Bybel soos Moses, Josef, Daniel
en Paulus, is dit baie duidelik dat God Homself op verskillende
maniere aan elkeen openbaar het. Soms aanvaar ons Jesus se
bediening, beloftes en getuienis onvoorwaardelik as die
waarheid en ander tye vind ons dat ons twyfel aan die Godheid
van die Man wat meer as 2000 jaar gelede in Israel geleef het.
Hoe oorbrug ons hierdie afgrond tussen twyfel en
onvoorwaardelik glo in liefde?

110