Page 86 - WieEkIs Erin Nel

Hoe red God ons dan? Wat is ons reaksie op hierdie
reddingspoging? Wat is JOU reaksie op Sy redding? Noudat ons
die kleiner prentjie in groter perspektief sien, laat ons begin by
die begin. Die boek van die begin van die begin. Genesis. Die
boek waar ons skepping en ons skeppingsdoel uiteengesit word.

“In die begin het God die hemel en die aarde geskape. Die aarde
was woes en leeg, en duisternis was op die watervloed, en die
Gees van God het gesweef op die waters ” – Genesis 1:1-2

Hoe het ons hier gekom?

As ons mooi God se Woord studeer, kan ons sien ons is nie net
per ongeluk geskep as gevolg van toevallige kosmiese
verwikkelinge nie. Daar was nie net atome wat per ongeluk op
die regte tyd op die regte plek ontplof het, die aarde laat
ontstaan het en ons sodoende per ongeluk begin bestaan en
leef het nie.

“U het die maan gemaak om die vaste tye mee aan te gee, die
son weet wanneer om onder te gaan... U het baie dinge geskep,
Here, die aarde is vol van wat U gemaak het.” – Psalm 104: 19,
24 (Nuwe vertaling)

Die wetenskap agter die skepping en ontstaan van die heelal is
‘n geheimenis wat menigte wetenskaplikes al verwonderd laat
staan het. Baie teorië is al neergelê en die geheime van God
word nogsteeds tot vandag toe ontdek en ontgin. Die waarheid
dat die skepping net bomenslik fantasties is, kan nie ontken
word nie. Die son, die maan, die hemelliggame en elkeen se

81