Page 90 - WieEkIs Erin Nel

Toe God die mens geskep het, het Hy gesê "Kom ons maak die
mens as Ons verteenwoordiger, Ons beeld." Die mens is na God
se beeld geskep. Hier kan ons sien dat God die Vader, Jesus die
Seun en die Heilige Gees reeds van die begin af daar was, by die
skeping. God is nie geskep nie, Hy is. Hy was altyd en sal altyd
wees. Jesus, God se Seun is nie geskep of gemaak nie, maar
deur die Vader-God verwek. Die Heilige Gees is ook nie gemaak
nie, Hy gaan uit vanaf God. God verlang van ons om Hom in al
drie van sy aspekte te leer ken. Hy wil hê ons moet verstaan wie
Hy is, sodat ons naby Hom kan leef.

Wat van die ánder kwessie?

Daar is diegene wat sê hulle glo in God, maar ken nie vir Jesus
nie. Of mense wat vir God en Jesus ken, maar geen idee het wie
die Heilige Gees is nie. Om God se omvang te verstaan moet
ons hierdie drie aspekte van Hom leer ken want hulle is ewe
belangrik. Dit sal ons hele lewe op aarde neem om dieper
vlakke van die Drie-enigheid te leer ken en God se volheid te
probeer vertaan, daarom is dit so ‘n besonderse proses!

Dit is moeilik vir diegene wat glo in God maar die Heilige Gees
nie erken nie, want die Heilige Gees (God se teenwoordigheid)
is juis Sy krag wat Hy net openbaar aan diegene wat in Hom glo
en ‘n verhouding met Hom wil hê. Hy seën hulle met baie dinge,
waarvan Sy teenwoordigheid (Heilige Gees) die grootste is. Om
te leef sonder God se Gees wat in ons werk, sal ons nooit
gevorm kan word tot die beeld van Christus nie.

85