Page 96 - WieEkIs Erin Nel

Wat behoort ons reaksie te wees?

Hoe ons hierop MOET reageer en HOE ons reageer is dikwels
nie dieselfde nie. Jesus het totaal en al ons skuld vir ons sondes,
verkeerde dade en gedagtes betaal aan die kruis. Ons word dus
geroep om weg te draai van ons rebellie en selfsug, en om
herenig met God ons Vader, ons Groot liefde. Ons word dus
uitgenooi om ons vertroue te plaas in Jesus en dit wat Hy aan
die kruis vir ons kom doen het.

God maak baie duidelik wat die omstandighede is, hoe ons die
verlossing kan verkry wat Jesus vir ons gedoen het. Markus 1:15
sê: “Bekeer julle en glo die evangelie.” Wat beteken ‘bekeer
julle’? Vra om verskoning? Sê jammer? Bekeer beteken om
rigting te verander. Om die teenoorgestelde rigting in te slaan
as waarheen jy oppad was. Om weg te draai ván ons selfsug,
trots, rebellie en bitterheid; en te draai ná God. Ons beweeg
dus van ‘n selfgesentreerde na ‘n God-gesentreerde
ingesteldheid. Alles gaan oor Hom. Om terug te hardloop na
Hom en te skree, “vergewe my, ek het U lief!”

Hier vra ons om vergifnis vir ons sondes, en ons bely dit as
sonde. Ons gaan lê dit by Jesus se kruis en vra dat God ons
skoonwas met die bloed van Jesus. Ons kan nie werklik ‘n
ommekeer maak, wegdraai van ons ou lewe voordat ons nie
met die sondes afgereken het nie. Belydenis van sondes is van
kardinale belang vir elke gelowige se verhouding met God, elke
dag.

91