Page 97 - WieEkIs Erin Nel

Geloof

Dan sê Jesus ook in die laaste gedeelte van die sin “en glo die
evangelie”. Hoe glo ons dit? Blindelings? Almal sê so, so ek glo
dit ook maar. Dit staan in die Bybel so ek glo dit. God sê ek moet
dit glo, so ek glo dit.

Die woord "glo", beteken hier in die Bybel om te vertrou. Ons
vertroue moet wees in ‘n Persoon, die Een wat die oorsprong,
die middelpunt van hierdie Evangelie is. Christus Jesus. Ons
vertroue is in Hom en dit wat Hy met die kruisdood en
opstanding kom vermag het. Ons vertrou Jesus dat Hy nou die
volmag het om ons sonde te kán en wíl en sál vergewe wanneer
ons ons sonde bely en om vergifnis vra. Die Bybel sê: “As jy met
jou mond bely dat Jesus die Here is, en met jou hart glo dat God
Hom uit die dood opgewek het, sal jy gered word.” (Rom. 10:9,
Nuwe Vertaling). 1 Johannes 1:9 sê: “As ons ons sondes bely,
Hy is getrou en regverdig om ons die sondes te vergewe en ons
van alle ongeregtigheid te reinig.”

Doop

Wat sê die Woord oor die doop? In Handelinge 2:38 sien ons:
“En Petrus sê vir hulle: Bekeer julle, en laat elkeen van julle
gedoop word in die Naam van Jesus Christus tot vergewing van
sondes, en julle sal die gawe van die Heilige Gees ontvang.” Hier
kan ons sien dat die doop op die bekering volg. Dit is waar jy in
eie wil ‘n doelgerigte besluit neem om voor jou medegelowiges,
God en die geestesrealm erken dat jy aan God se familie
behoort.

92