Page 100 - WieEkIs Erin Nel

water uitgekom.

Hoe gaan ek en jy reageer hierop op hierdie verlossingsnuus?
Gaan ons Hom onvoorwaardelik vertrou? Soveel so, dat ons
bereid is om om te draai, ons rug te draai en letterlik 180 grade
terug te draai en reg te leef? Soos ons bestem was om te leef?
Sonder Hom sal ons dit nie kan doen nie. Die Woord sê: “Wie
die Naam van die Here aanroep, sal gered word.” (Rom. 10:13).

As ons nog nie vertroue het in Christus Jesus as ons Verlosser
en saligmaker nie, moet ons omdraai en glo in die Een wat uit
liefde ons sondes kom wegneem het aan die kruis. Die Een wat
alleenlik ons weg tot die hemel en ewige lewe is. “As jy met jou
mond die Here Jesus bely, en met jou hart glo dat God Hom uit
die dode opgewek het, sal jy gered word.” (Romeine 10: 9). Ons
moet gemotiveerd wees deur ‘n brandende passie vir Hom. Vir
Hom alleen.

Die belangrikste van alles is dat Hy die belangrikste van alles is.
Om God te ken en lief te hê. Dis immers die eerste gebod van
die 10 gebooie, so dan IS dit belangrik. Ons lewe moet
gekenmerk wees deur ‘n lewenstyl van die vrug van die Gees in
ons lewe. Karaktereienskappe van vreugde, vrede, liefde,
geduld, goedheid, vriendelikheid, getrouheid, nederigheid en
selfbeheersing (Gal. 5:22).

Hierdie skeppingskennis en hierdie riglyne moet ons nou
deurtrek en saamtrek deur die res van die boek op ons
pelgrimstog deur die wildernis na ons beloofde land.

95