Page 105 - WieEkIs Erin Nel

Hy Sy eniggebore Seun gegee het, sodat dié wat in Hom glo nie
verlore mag gaan nie, maar die ewige lewe kan hê.” Hierdie
Skrif is die hart van die hele heelal. Met die skepping was daar
nie net denke, ‘n wil, redenasie en ‘n ontwerp betrokke nie,
maar agter dit alles was ‘n hart betrokke. ‘n Hartsbegeerte.
Liefde. Alles het ontstaan vanuit God se hart. Ons praat gedurig
van God se dade, denke en wyshede maar soos ons dieper delf,
sien ons dat reg in die middel van alles is God se hart. Sy liefde.
Liefde was die primêre oogmerk in God se motiewe, aksies en
gedagtes agter die skepping. Die hart van die heelal is die
kwessie van God se liefde. Sy liefde vir ons.

Ons was geskep as die uitvloeisel, die oorvloei van Sy liefde. Ons
het ontstaan vanuit die verhouding (fellowship) tussen Vader,
Seun en Heilige Gees. Hierdie verhouding tussen die Drie-
enigheid is vir ons die voorbeeld van hoe dit MOET lyk.
Onversteurde eenheid, liefde en eerbied. ‘n Mooi voorbeeld
hiervan is in Genesis 1:26 “Kom Ons maak die mens as Ons
verteenwoordiger.” (Nuwe vertaling). Hulle drie is eensgesind
en apart afhanklik van mekaar. Konstant. Altyd.

So wat beteken hierdie verhouding/fellowship dan vir ons hier
op aarde in ons verhouding met God? Is hierdie spesiale
verhouding dan vir my en jou ook beskore?

Ja! Ja! Ja! Dit is God se hartsbegeerte vir ons elkeen. Elkeen van
ons. Ek en jy. Vanaf die skepping reeds was dit die doel om
hierdie spesiale, intieme band met Hom te hê. In al sy fasette.
In die volheid daarvan, en nie net ‘n gedeelte daarvan nie.

100