Page 98 - WieEkIs Erin Nel

Jesus het die voorbeeld vir ons gestel om deur Johannes
gedoop te word. Alhoewel Jesus sonder sonde was, het Hy dit
nodig geag om ook gedoop te word as voorbeeld vir ons (Matt.
3:14-17). Later het Jesus opdrag gegee aan Sy dissipels en gesê:
“Gaan dan na al die nasies toe en maak die mense My dissipels:
doop hulle in die naam van die Vader, die Seun en die Heilige
Gees, en leer hulle om alles te onderhou wat Ek julle beveel het.”
(Matt. 28:19-20, Nuwe Vertaling)

Baie mense het egter nog onsekerheid en vrae oor die doop
aangesien dit so ‘n persoonlike en enorme stap is. Dit is elkeen
se persoonlike reis saam met God en God stap met elkeen ‘n
unieke pad, so lê die kwessie van doop by Jesus neer en praat
in jou stiltetyd met God daaroor. Vra dat die Heilige Gees jou sal
lei.

Dit is ‘n besonderse geleentheid en iets om na uit te sien. So,
waarom doen ons dit? Uit gehoorsaamheid aan Jesus, wat vir
ons ‘n voorbeeld kom stel het met Sy dood, alhoewel Hy geen
sonde gehad het nie. Ons doen dit as ‘n geloofsaksie, as ‘n
publieke verklaring van ons geloof en toewyding aan Jesus
Christus.

In Romeine 6 verduidelik Paulus dat, soos ons in die water
ingaan en weer uitkom, dui dit op Christus Jesus se dood en
opstanding. Ons staan saam met Hom op 'uit die dood', want
die ou ek is verby en die nuwe het gekom. Ek is nou ‘n nuwe
skepsel in Christus.

93