Page 46 - ҚАЗАҚ ТІЛІ. 5-СЫНЫП. АТАМҰРА
P. 46
7-тапсырма. Білетін мата түрлеріңді таңдап, олардан қандай киім
тігілетінін айтыңдар.
Қамқа – алтындатқан не күмістеткен зерделі жіптен тоқылған
жібек мата.
Манат – барқыт тәрізді бағалы шұға.
Мауыт – оң жағы майда түкті келген қалың мата.
Торқа – ең қымбат жібек мата.
Батсайы – қалың жібек кездеме.
Дүрия – жылтырауық тығыз жібек мата.
Қыжым – сапалы жүннен тоқылған түкті мата.
Шағи – жұқа келген жұмсақ және таза мата.
Ұштап – ақ түсті тығыз мата.
8-тапсырма. Эссе жаз. Эссенің кіріспесі етіп, төмендегі мәтін үзіндісін
ал. Эссенің негізгі бөлімі мен қорытындысын жазуда көргенің мен
білгеніңе сүйен.
«Ат мінгізіп, шапан жабу» салты – құрметті қонаққа, ақынға,
батырға, палуанға және сол сияқты елге еңбек сіңірген ардақты
азаматтарға көрсетілетін қазақ халқының ертеден келе жатқан
ата салты. Ат мінгізу, шапан жабу салты қазіргі күнде де жара-
сымды жалғасын тауып келеді.
9-тапсырма. Аяқкиімге қатысты ырымдар мен тыйымдарды іздеп
тауып, бір-біріңе жеткізіңдер. Бұрын бұл туралы естіп пе едіңдер?
Кімнен естідіңдер? Осы ырымдарды үнемі сақтап жүресіңдер ме?
10-тапсырма. Сөйлеген сөздерің мен жазған мәтіндеріңде қанша қате
жі беріпсіңдер? Тыныс белгілерін дұрыс қойдыңдар ма?
Өзіңді және бір-біріңді тексеріп, бағалаңдар.
44
