Page 113 - alice-kbd_text.qxp_9781904808169_text

У Э Л И Й У А Д Э Л А КЪ Э

дакъикъэкӏэ Джэдум и щхьэ псор къыхэщащ хьэуам. Алисэ
лъэпцӏэплър, игъэувыжри, къыщыщӏауэ хъуар къиӏуэтэжащ, псэ -
лъэгъу къызэригъуэтамкӏэ гуфӏэжурэ. Джэдум и щхьэ закъуэр
къигъэлъагъуэри, адрей и ӏэпкълъэпкъыр къыхигъэщакъым
хьэуам.
«Мыхэр тэрэзу джэгу къысфӏэщӏкъым,» жиӏащ Алисэ, «зы
пэжыгъэ щыӏэкъым, псори зэщӏогуауэ, уи макъ зэхомыхыжу. Зы
хабзи щыӏэкъым, щыӏэри зыми къридзэкъым. Ӏэмэпсымэ узэры -
джэгухэм псэ яӏутщ, абы къыхэкӏкӏэ хьэлъэ дыдэщ уджэгуну.
Псалъэм папщӏэ, гъуэ сызэрыкӏын хуейм зыкъеӏэтри, и щхьэ
ӏуэху зэрихуэу йожьэж. Уэлий-Гуащэм и топыр иджыпсту ӏусху -
жынут, ауэ и цыжьбанэм сысейр къыщилъагъум, жэрыгъэкӏэ
щӏэпхъуэжащ!»
«Даурэ къыпщыхъуа Уэлий-Гуащэр?» щӏэупщӏащ Джэдур
щэхуу.
«Узижагъуэм и махуэщ!» жиӏащ Алисэ. «Ар апхуэдэу…» Абде -
жым Алисэ нэбгъузкӏэ къилъэгъуащ и щӏыбым Уэлий-Гуащэр
къыдэувауэ къызэрыкӏэщӏэдаӏуэр. «… ар зыуэ дыгъуэу мэджэ -
гури,» къыжьэдэлъэлъащ Алисэ, «занщӏэу уи ӏэр ӏэти кӏэрыкӏыж.»
Уэлий-Гуащэр къэгуфӏэри укӏыжащ.
«Хэт узэпсалъэр?» фӏэгъэщӏэгъуэну щӏэупщӏащ пщащэм Пщы-
Уэлий къыбгъэдыхьар, Джэдум и щхьэр зэпиплъыхьурэ.
«Нэӏуасэ пхуэсщӏыну сыхуейщ» жиӏащ Алисэ, «мыр си
ныбжьэгъу Чэщей Джэдущ.»
«Ар ауэми сигу ирихькъым,» жиӏащ Пщы-Уэлийм. «Ауэ хуит
сощӏ си ӏэм ба къыхуищӏыну, хуеймэ.»
«Ауэми сыхуейкъым,» жиӏащ Джэдум.
«Апхуэдэу, дыджу, укъэзэмыпсалъэ,» къэгубжьащ Пщы-
Уэлийр. «Икӏи нэ ӏейкӏэ укъызэмыплъ, зы щхьэкӏэ ухагъэщӏыну
ухуэмеймэ.» Ар жиӏэри Пщы-Уэлийм Алисэ и щӏыбагъэм зыщи -
гъэпщкӏуащ.
«Джэдухэр Пщыхэм зэрыхуейуэ йоплъ,» жиӏащ Алисэ. «Сэ ар
зы щӏыпӏэ къизджыкӏащ, ауэ сыщӏэжкъым къыздизджыкӏар.»

87