Page 119 - alice-kbd_text.qxp_9781904808169_text

Х Ь Э Д Э ПЩ Э М Ы Ӏ У Н Э ПЦӀ Ы М И П С Ы С Э Д Ы ДЖ

папцӏэт. Папцӏэр и дамэм къыхиӏут. Ауэ дауэ жиӏэнт пщащэ
гъэсам, ӏукӏуэт жэуэ?
«Нэхъ жану джэгун щӏадзащ,» жиӏащ пщащэм, псалъэр диӏы -
гъын щхьэкӏэ.
«Жыпӏэр бдызоштэ,» къэпсэлъащ Уэркъ-Гуащэр. «Къикӏри
бжесӏэнщ: „Лъэгъуныгъэ, лъагъуныгъэ—мы дунейм уэ уриды -
гъэщ…“»
«Куэд щӏакъым зыгуэрым сигъэӏущти: „Мы дунейм и нэхъыщ -
хьэр аращ: «Уимыӏуэху уи бэлъагъ хомысэ!“ жиӏэу,» зыхуэшэча -
къым Алисэ.
«А тӏури зыщ,» жиӏащ Уэркъ-Гуащэм и жьэпкъым нэхъри
Алисэ и дамэм къыхисэурэ. «Абы къикӏыр аращ: „Къикӏым
егупсыси, псалъэхэм езыр езыру зыкъаумысынущ!“»
«Мы слъагъум псоми зыгуэр кърех!» егупсысащ Алисэ.
«Пфӏэгъэщӏэгъуэну къыщӏэкӏынщ,» жиӏащ Уэркъ-Гуащэм,
«нэхъ быдэу ӏэплӏэ щӏыпхуэзмыщӏыр. Пэжу бжэсӏэнщи,
уилъэпцӏэплъым си дзыхь телъкъым. Хьэмэ таучэл сщӏын?»
«Ар къодзэкъэнкӏэ тӏо еплъынукъым,» жиӏащ Алисэ (хуейтэ -
къым мобэ ӏэплӏэ къыхуищӏыну).
«Ари пэжщ,» жиӏащ Уэркъ-Гуащэм. «Лъэпцӏэплъхэр шыбжийм
хуэдэу мэдзакъэ. Абы къикӏыр зыщ: „А тӏур зы выбжьэм къи -
кӏащ!“»
«Шыбжийр бзукъым,» хуидакъым Алисэ.
«Пэж дыдэр жыбоӏэ,» жиӏащ Уэркъ-Гуащэм. «Сыту уӏущыцэ!»
«Къызэрысщыхъущи, шыбжийр минералщ,» хэгупсысыхьащ
Алисэ.
«Пэж дыдэу, минералщ,» езэгъащ Уэркъ-Гуащэр. Ар Алисэ
жиӏэу хъуам езэгъыну хьэзырыбзэт. «Фоч гыным хуэдэу мине -
ралщ. Топышэ къыхащӏыкӏ, минэ къыхащӏыкӏри блыным щӏэ -
тӏыкӏ хуащӏри, кӏэщӏалъхьэ… Абы къикӏыр зыщ: „Топышэм
лъэрып ириджэгукъым!“»
«Къэсщӏэжащ!» къэгуфӏащ Алисэ, Уэркъ-Гуащэм жиӏахэр и
тхьэкӏумэм иримыгъаӏуэу. «Шыбжийр пхъэщхьэмыщхьэкъым,
пэжкъэ?»

93