Page 121 - alice-kbd_text.qxp_9781904808169_text

Х Ь Э Д Э ПЩ Э М Ы Ӏ У Н Э ПЦӀ Ы М И П С Ы С Э Д Ы ДЖ

Уэркъ-Гуащэр щыӏаи щымыӏаи жэуэ бзэхыжащ.
«Джэгур доублэж,» Алисэ зыкъыхуигъазэри жиӏащ Уэлий-
Гуащэм. Пщащэр къызэрымыкӏуэу къэшынати, зы псалъи къы -
жьэдэмыкӏыу, Уэлий-Гуащэм иужь иуващ.
Хьэщӏэхэр Уэлий-Гуащэр къазэрыщхьэщымытыр къагъэсэ -
бэпри жыг жьауэхэм зыщагъэпсэхут. Ауэ Уэлий-Гуащэр къигъэ -
зэжауэ щалъагъум, псори къыщылъэтри щхьэж езым и джэгупӏэм
иувэжащ.
Уэлий-Гуащэр абыхэм ябгъэдыхьэри дахэ цӏыкӏуу къагу ри -
гъэӏуащ: псынщӏэу абыхэм джэгун щӏамыдзэмэ—псынщӏэу я гъэ -
щӏэм зэрыпыкӏыжынухэр. Джэгур зэхаублэжащ. Уэлий-Гуащэм
и джэгуэгъухэм яхъуэнти, кӏуэрыкӏуэм тету къызхидзт: «Мыбы и
щхьэр пывупщӏ! Мобы и щхьэр пывгъэлъэт!» Зауэлӏхэм зыкъа -
ӏэтти, тхьэмыщкӏэм я блыпкъыр яубыдти ӏуашт. Кӏуэ пӏэтми
гъуэхэр нэхъ мащӏэ хъут. Зы сыхьэт ныкъуи текӏатэкъым губ -
гъуэм зы гъуи къыщимынэжам. Псори, Пщы-Уэлиймрэ, Уэлий-
Гуащэмрэ, Алисэрэ мыхъумэ, щтэӏэщтаблэ хъуауэ я хьэкъым
ежьэт.
Икӏэм икӏэжым, Уэлий-Гуащэм джэгуныр иужэгъури, хэщэ -
тыкӏри, Алисэ еупщӏащ: «А уэ плъэгъуа Хьэдэпщэмыӏу Нэпцӏ
жыхуаӏэ шылъэгу щкӏэщхьэр?»
«Хьэуэ, зы нэ лъэныкъуэкӏи сылъэгъуакъым,» жиӏащ Алисэ.
«Зыӏисри зыщыщри сщӏэкъым.»
«Дауэ зэромыщӏэр,» игъэщӏэгъуащ Уэлий-Гуащэм, «аращ дели -
катесс жыхуаӏэ шылъэгу хьэнтхъупсыр къызыхащӏыкӏыр.»
«Делэ кӏуэцӏыс?» къыгурымыӏуэу щӏэупщӏащ Алисэ.
«Уэрамэ, тхьэ, делэ зыкӏуэцӏысыр,» къэгубжьащ Уэлий-Гуащэр.
«Сэ Хьэдэпщэмыӏу Нэпцӏыращ жыхуэсӏэр.»
«Зэи слъэгъуакъым, езыми сыкъилъэгъуакъым,» жиӏащ Алисэ.
«Апщыгъуэ накӏуэ,» иришэжьащ пщащэр Уэлий-Гуащэм.
«Езым нэхъ тэмэму псори къыпхуиӏуэтэжынщ.» Зы лъэбакъуитӏ
ячауэ Алисэ и щӏыбагъымкӏэ Пщы-Уэлийм и макъ къыщыӏуащ:
«Псоми псори фхузогъэгъу!»

95