Page 122 - Guerra civil

CAYO JULIO CÉSAR

cohortesque ex nouis Galliae dilectibus x x ii equitesque ab

rege Norico circites ccc. Quorum aduentu altera castra

ad alteram oppidi partem ponit; his castris Curionem
praefecit. 6 Reliquis diebus oppidum uallo castellisque

circumuenire instituit. Cuius operis maxima parte effecta,

eodem fere tempore missi ad Pompeium reuertuntur.

XIX. 1 Litteris perlectis, Domitius dissimulans in

consilio pronuntiat Pompeium celeriter subsidio uenturum,

hortaturque eos ne animo deficiant, quaeque usui ad defen­
dendum oppidum sint parent. 2 Ipse arcano cum paucis

familiaribus suis conloquitur consiliumque fugae capere

constituit. 3 Cum uoltus Domitii cum oratione non

consentiret atque omnia trepidantius timidiusque ageret

quam superioribus diebus consuesset, multumque cum suis

consiliandi causa secreto praeter consuetudinem conloque-
retur, concilia conuentusque hominum fugeret, res diutius

tegi dissimularique non potuit. 4 Pompeius enim res­

cripserat sese rem in summum periculum deducturum non

esse, neque suo consilio aut uoluntate Domitium se in

oppidum Confinium contulisse: proinde, siqua fuisset
facultas, ad se cum omnibus copiis ueniret. 5 Id ne

fieri1 posset obsidione atque oppidi circummunitione

fiebat.

XX. 1 Diuulgato Domiti consilio, milites qui erant

Corfini primo uesperi secessionem faciunt atque ita inter

16