Page 146 - Guerra civil

CAYO JULIO CÉSAR

quam unius hominis uoluntati obtemperare. 2 Reliqua
quae ad eorum sanandas mentes 1 pertinere arbitrabatur

commemorat. 3 Cuius orationem legati domum referunt

atque ex auctoritate haec Caesari renuntiant: intellegere se
diuisum esse populum Romanum in partes duas. Neque sui

iudicii neque suarum esse uirium discernere utra pars

iustiorem habeat causam. 4 Principes uero esse earum
partium Cn. Pompeium et C. Caesarem, patronos ciuitatis,

quorum alter agros Volcarum Arecomicorum et Heluiorum

publice iis concesserit, alter bello uictos Sallyas adtribuerit
% uectigaliaque auxerit. 5 Quare paribus eorum beneficiis

parem se quoque uoluntatem tribuere debere et neutrum

eorum contra alterum iuuare aut urbe aut portibus recipere.

XXXVI. 1 Haec dum inter eos aguntur, Domitius

nauibus Massiliam peruenit atque ab iis receptus urbi

praeficitur summa ei belli administrandi permittitur.
2 Eius imperio classem quoquo uersus dimittunt; onera­

rias naues quas ubi possunt deprehendunt atque in portum

deducunt, parum clauis aut materia atque armamentis ins­

tructis ad reliquas armandas reficiendasque utuntur;

3 frumenti quod inuentum est in publicum conferunt;
reliquas merces commeatusque ad obsidionem urbis, si

accidat, reseruant. 4 Quibus iniuriis permotus Caesar

legiones tres Massiliam adducit; turris uineasque ad

oppugnationem urbis agere, naues longas Arelate numero
xii facere instituit. 5 Quibus effectis armatisque die-

28