Page 158 - Guerra civil

CAYO JULIO CÉSAR

singulis arbitrabantur; ipsi autem suos ordines seruare
neque ab signis discedere neque 1 sine graui causa eum
locum quem ceperant dimitti censuerant oportere. 4 Ita­

que, perturbatis antesignanis, legio quae in eo cornu

constiterat locum non tenuit, atque in proximum collem
sese recepit.

XLV. 1 Caesar paene omni acie perterrita, quod
praeter opinionem consuetudinemque acciderat, cohortatus

suos legionem nonam subsidio ducit; hostem insolenter
atque acriter nostros insequentem subprimit rursusque
terga uertere seque ad oppidum Ilerdam recipere et sub

muro consistere cogit. 2 Sed nonae legionis milites elati
studio, dum sarcire acceptum detrimentum uolunt, temere

insecuti longius fugientis in locum iniquum progrediuntur
et sub montem in quo erat oppidum positum Ilerda suc­

cedunt. 3 Hinc se recipere cum uellent, rursus illi ex

loco superiore nostros premebant. 4 Praeruptus locus
erat, utraque ex parte directus, ac tantum in latitudinem

patebat ut tres instructae cohortes eum locum explerent,
u t1 neque subsidia ab lateribus submitti neque equites

laborantibus usui esse possent. 5 Ab oppido autem
decliuis locus tenui fastigio uergebat in longitudinem passus

circiter cccc. 6 Hac nostris erat receptus, quod eo inci­

tati studio inconsultius processerant; hoc pugnabatur loco
et propter angustias iniquo et quod sub ipsis radicibus

montis constiterant, ut nullum frustra telum in eos mit­

teretur. Tamen uirtute et patientia nitebantur atque omnia
uulnera sustinebant. 7 Augebantur illis copiae, atque

34