Page 160 - Guerra civil

CAYO JULIO CÉSAR

ex castris cohortes per oppidum crebro submittebantur, ut

integri defessis succederent. 8 Hoc idem Caesar facere
cogebatur, ut summissis in eundem locum cohortibus

defessos reciperet.

XLVI. 1 Hoc cum esset modo pugnatum continenter

horis quinque, nostrique grauius a multitudine premerentur,

consumptis omnibus telis gladiis destrictis impetum aduer-
sus montem in cohortis faciunt paucisque deiectis reliquos

sese conuertere cogunt. 2 Submotis sub murum cohor­

tibus ac nonnulla parte propter terrorem in oppidum con-

pulsis, facilis est nostris receptus datus. 3 Equitatus
autem noster ab utroque latere, etsi deiectis atque infe­

rioribus locis constiterat, tamen summa in iugum uirtute

conititur atque inter duas acies perequitans commodioren

ac tutiorem nostris receptum dat. 4 Ita uario certamine

pugnatum est. Nostri1 in primo congressu circiter l x x
ceciderunt, in his Q. Fulginius ex primo hastato legionis

xiiii, qui propter eximiam uirtutem ex inferioribus ordi­

nibus in eum locum peruenerat; uulnerantur amplius d c.

5 Ex Afranianis interficiuntur T. Caecilius, primi pili
centurio, et praeter eum centuriones m i, milites amplius cc.

XLVII. 1 Sed haec eius diei praefertur opinio ut se
utrique superiores discessisse existimarent: 2 Afrania­

ni, quod, cum esse omnium iudicio inferiores uiderentur,

comminus tam diu stetissent et nostrorum impetum sus-

35