Page 248 - Guerra civil

CAYO JULIO CÉSAR

quillaria. 2 Hic locus abest a Clupeis passuum χχιι

milia habetque non incommodam aestate stationem et
duobus eminentibus promunturiis continetur. 3 Huius

aduentum L. Caesar filius cum x longis nauibus ad Clupea
praestolans, quas nauis Vticae ex praedonum bello sub­
ductas P. Attius reficiendas huius belli causa curauerat,

ueritus nauium multitudinem ex alto refugerat, adpulsa-
que ad proximum litus trireme constrata et in litore relicta

pedibus Hadrumetum profugerat. 4 Id oppidum C.
Considius Longus unius legionis praesidio tuebatur.
Reliquae Caesaris naues eius fuga se Hadrumetum rece­

perunt. 5 Hunc secutus Marcius Rufus quaestor naui­
bus xii, quas praesidio onerariis nauibus Curio ex Sicilia

eduxerat, postquam in litore relictam nauem conspexit,
hanc remulco abstraxit; ipse ad C. Curionem cum classe

redit.

XXIV. 1 Curio Marcium Vticam nauibus praemittit;

ipse eodem cum exercitu proficiscitur biduique iter pro­
gressus ad flumen Bagradam peruenit. 2 Ibi C. Cani­

nium Rebilum legatum cum legionibus reliquit; ipse cuín
equitatu antecedit ad Castra exploranda Cornelia, quod

is locus peridoneus castris habebatur. 3 Id autem est
iugum derectum eminens in mare, utraque ex parte pra­
eruptum atque asperum, sed tamen paulo leniore fastigio

ab ea parte, quae ad Vticam uergit. 4 Abest derecto
itinere ab Vtica paulo amplius passus mille. Sed hoc itinere

est fons, quo mare succedit longius,1 lateque is locus
restagnat; quem si qui uitare uoluerit,2 sex milium circuitu

in oppidum peruenit.

79