Page 250 - Guerra civil

CAYO JULIO CÉSAR

XXV. 1 Hoc explorato loco Curio castra Vari cons­

picit muro oppidoque coniuncta 1 ad portam quae appe­

llatur Bélica, admodum munita natura loci, una ex parte

ipso oppido Vtica, altera a theatro, quod est ante oppidum,

substructionibus eius operis maximis,2 aditu ad castra

difficili et angusto. 2 Simul animaduertit multa un­

dique portari atque agi plenissimis uiis,3 quae repentini
tumultus timore ex agris in urbem conferantur. 3 Huc

equitatum mittit ut diriperet atque haberet loco praedae;

eodemque tempore his rebus subsidio4 d c equites Numi­

dae ex oppido peditesque cccc mittuntur a Varo, quos au-

xili causa rex Iuba paucis diebus ante Vticam miserat.

4 Huic et paternum hospitium cum Pompeio et simultas

cum Curione intercedebat, quod tribunus plebis legem

promulgauerat, qua lege5 regnum Iuba publicauerat.

5 Concurrunt equites inter se; neque uero primum impe­

tum nostrorum Numidae ferre potuerunt, sed, interfectis

circiter cxx, reliqui se in castra ad oppidum receperunt.

6 Interim aduentu longarum nauium Curio pronuntiari

onerariis nauibus 6 iubet, quae stabant ad Vticam numero

circiter cc, se in hostium habiturum loco qui non ex

uestigio ad Castra Cornelia naues traduxisset. 7 Qua

pronuntiatione facta, temporis puncto sublatis ancoris, om­

nes Vticam relinquunt et quo imperatum est transeunt.

Quae res omnium rerum copia compleuit exercitum.

80