Page 252 - Guerra civil

CAYO JULIO CÉSAR

XXVI. 1 His rebus gestis Curio se in castra ad Ba­

gradam recipit atque uniuersi exercitus conclamatione im­

perator appellatur posteroque die Vticam exercitum ducit
et prope oppidum castra ponit. 2 Nondum opere castro­

rum perfecto equites ex statione nuntiant magna auxilia
equitum peditumque ab rege missa Vticam uenire; eodem-

que tempore uis magna pulueris cernebatur, et uestigio
temporis primum agmen erat in conspectu. 3 Nouitate

rei Curio permotus praemittit equites, qui primum impetum

sustineant ac morentur; ipse celeriter ab opere deductis
legionibus aciem instruit. 4 Equites committunt proe­

lium et, priusquam plane legiones explicari et consistere

possent, tota auxilia regis impedita ac perturbata,1 quod
nullo ordine et sine timore2 iter fecerant, in fugam [se]

coiciunt equitatuque omni fere incolumi, quod se per litora

celeriter in oppidum recipit, magnum peditum numerum
interficiunt.

XXVII. 1 Proxima nocte centuriones Marsi duo ex
castris Curionis cum manipularibus suis xxii ad Attium

Varum perfugiunt. 2 Hi siue uere quam habuerant

opinionem ad eum perferunt, siue etiam auribus Vari
seruiunt (nam quae uolumus, ea credimus libenter, et quae

sentimus ipsi, reliquos sentire speramus) confirmant qui­

dem certe totius exercitus animos alienos esse a Curione
maximeque opus esse in conspectum exercitum uenire et

conloquendi dare facultatem. 3 Qua opinione adductus

Varus postero die mane legiones ex castris educit. Facit

81