Page 314 - Guerra civil

CAYO JULIO CÉSAR

nostris terrorem iniecit, et noctu militibus ac sagittariis
in terra expositis praesidium equitum deiecit et adeo loci

oportunitate profecit, uti ad Pompeium litteras mitteret,

naues reliquas, si uellet, subduci et refici iuberet; sua
classe auxilia sese Caesaris prohibiturum.

XXIV. 1 Erat eo tempore Antonius Brundisi; is

uirtute militum confisus scaphas nauium magnarum circiter
lx cratibus pluteisque contexit eoque milites delectos im­

posuit atque eas in litore pluribus locis separatim disposuit
nauesque triremes duas, quas Brundisi faciendas curauerat,

per causam exercendorum remigum ad fauces portus pro­

dire iussit. 2 Has cum audacius progressas Libo
uidisset, sperans intercipi posse quadriremes v ad eas misit.

Quae cum nauibus nostris propinquassent, nostri ueterani

in portum refugiebant, illi studio incitati incautius seque­
bantur. 3 Iam ex omnibus partibus subito Antonianae

scaphae signo dato se in hostes incitauerunt primoque

impetu unam ex his quadriremem cum remigibus defen-

soribusque suis ceperunt, reliquas turpiter refugere
coegerunt. 4 Ad hoc detrimentum accessit, ut equitibus

per oram maritimam ab Antonio dispositis aquari prohi­

berentur. Qua necessitate et ignominia permotus Libo
discessit a Brundisio obsessionemque nostrorum omisit.

XXV. 1 Multi iam menses transierant et hiems

praecipitauerat, neque Brundisio naues legionesque ad
Caesarem ueniebant. Ac nonnullae eius rei praetermissae

112