Page 316 - Guerra civil

CAYO JULIO CÉSAR

occasiones 1 Caesari uidebantur, quod certi saepe flaue-
rant uenti, quibus necessario committendum existimabat.

2 Quantoque eius amplius processerat temporis, tanto erant
alacriores ad custodias qui classibus praeerant, maiorem-

que fiduciam prohibendi habebant, et crebris Pompei lit­
teris castigabantur, quoniam primo uenientem Caesarem

non prohibuissent, ut reliquos eius exercitus impedirent,
duriusque cotidie tempus ad transportandum lenioribus

uenti s expectabant. 3 Quibus rebus permotus Caesar
Brundisium ad suos seuerius scripsit, nacti idoneum

uentum ne occasionem nauigandi dimitterent, si ad litora
Apolloniatium cursum dirigere atque eo naues eicere pos-

sent. 4 Haec a custodiis classium loca maxim uaca-
bant, quod se longius a portibus committere non auderent.

XXVI. 1 Illi adhibita audacia et uirtute, adminis­

trantibus M. Antonio et Fufio Caleno, multum ipsis
militibus hortantibus neque ullum periculum pro salute

Caesaris recusantibus, nacti Austrum naues soluunt atque
altero die Apolloniam Dyrrachiumque praeteruehuntur.

2 Qui cum essent ex continenti uisi, Coponius, qui
Dyrrachi classi Rhodiae praeerat, naues ex portu educit,

et cum iam nostris remissiore uento adpropinquasset, idem
Auster increbuit nostrisque praesidio fuit. 3 Neque

uero ille ob eam causam conatu desistebat, sed labore et
perseuerantia 1 nautarum et uim tempestatis superari posse

sperabat praeteruectosque Dyrrachium magna ui uenti
nihilo secius sequebatur. 4 Nostri usi Fortunae bene­

ficio tamen impetum classis timebant, si forte uentus remi-

113