Page 312 - Guerra civil

CAYO JULIO CÉSAR

Neapoli uisa, quae proditionem oppidi appararet, pate­

factis consiliis exclusus Capua et periculum ueritus, quod
conuentus arma ceperat atque eum hostis loco habendum

existimabat, consilio destitit atque eo itinere sese auertit.

XXII. 1 Interim Milo dimissis circum municipia

litteris se ea quae faceret iussu atque imperio facere

Pompei, quae mandata ad se per Vibullium delata essent,
quos ex aere alieno laborare arbitrabatur sollicitabat.

2 Apud quos cum proficere nihil posset, quibusdam solutis
ergastulis Compsam in agro Hirpino oppugnare coepit.

Eo cum a Q. Pedio praetore cum legione. . . , 1 lapide

ictus ex muro periit. 3 Et Caelius profectus, ut dic­
titabat, ad Caesarem peruenit Thurios. Vbi cum quosdam

eius municipii sollicitaret equitibusque Caesaris Gallis

atque Hispanis, qui eo praesidi causa missi erant, pecuniam

polliceretur, ab bis est interfectus. 4 Ita magnarum
initia rerum, quae occupatione magistratuum et temporum

sollicitam Italiam habebant, celerem et facilem exitum

habuerunt.

XXIII. 1 Libo profectus ab Orico cum classe cui

praeerat nauium l Brundisium uenit insulamque quae con­

tra portum Brundisinum est occupauit, quod praestare arbi­

trabatur unum locum, qua necessarius nostris erat egres­
sus, quam omnia litora ac portus custodia clausos tueri.

2 Hic repentino aduentu naues onerarias quasdam nactus

incendit et unam frumento onustam abduxit magnumque

111