Page 332 - Guerra civil

CAYO JULIO CÉSAR

tum, ne proelio contenderetur, et maxime quod riuus dif­

ficilibus ripis subiectus castris Scipionis progressus nos­
trorum impediebat. 4 Quorum studium alacritatemque *

pugnandi cum cognouisset Scipio, suspicatus fore ut pos­
tero die aut inuitus dimicare cogeretur aut magna cum

infamia castris se contineret, qui magna expectatione
uenisset, temere progressus turpem habuit exitum et noctu

neque conclamatis quidem uasis flumen transit atque in
eandem partem ex qua uenerat redit ibique prope flumen

edito natura loco castra posuit. 5 Paucis diebus inter­
positis noctu insidias equitum conlocauit, quo in loco su­

perioribus fere diebus nostri pabulari consuerant; et cum
cotidiana consuetudine Q. Varus, praefectus equitum Do­

mitii, uenisset, subito illi ex insidiis consurrexerunt.

6 Sed nostri fortiter impetum eorum tulerunt celeriterque
ad suos quisque ordines redit atque ultro uniuersi in hostes
impetum fecerunt. 7 Ex his circiter l x x x interfectis,

reliquis in fugam coniectis, duobus amissis in castra se
receperunt.

XXXVIII. 1 His rebus gestis Domitius sperans
Scipionem ad pugnam elici posse simulauit sese angustiis

rei frumentariae adductum castra mouere uasisque militari

more conclamatis progressus milia passuum m loco idoneo
et occulto omnem exercitum equitatumque conlocauit.

2 Scipio ad sequendum paratus equitum magnam partem

ad explorandum iter Domitii et cognoscendum praemisit.

3 Qui cum essent progressi primaeque turmae insidias
intrauissent, ex fremitu equorum inlata suspicione ad suos

121