Page 356 - Guerra civil

CAYO JULIO CÉSAR

LVI (L V ).1 1 Aetolia, Acarnania, Amphilochis per
Cassium Longinum et Caluisium Sabinum, ut demonstra-

uimus, receptis temptandam sibi Achaiam ac paulo longius

progrediendum existimabat Caesar. 2 Itaque eo Q.
Calenum misit eique Sabinum et Cassium cum cohortibus

adiungit. 3 Quorum cognito aduentu, Rutilius Lupus,
qui Achaiam missus a Pompeio obtinebat, Isthmum

praemunire instituit ut Achaia Fufium prohiberet. 4 Ca­
lenus Delphos, Thebas [et] Orchomenum uoluntate ipsa­

rum ciuitatium recepit, nonnullas urbes per uim expugna-
uit, reliquas ciuitates circummissis legationibus amicitiae

Caesaris conciliare studebat. In his rebus fere erat Fufius
occupatus.

LVII. 1 Haec cum in Achaia atque apud Dyrra­
chium gererentur Scipionemque in Macedoniam uenisse

constaret, non oblitus pristini instituti Caesar mittit ad
eum A. Clodium, suum atque illius familiarem, quem ab

illo traditum initio et commendatum in suorum necessario­
rum numero habere instituerat. 2 Huic dat litteras

mandataque ad eum, quorum haec erat summa: sese omnia
de pace expertum, nihil adhuc arbitrari uitio factum eorum

quos esse auctores eius rei uoluisset, quod sua mandata
perferre non oportuno tempore ad Pompeium uererentur.
3 Scipionem ea esse auctoritate ut non solum libere quae

probasset exponere, sed etiam ex magna parte compellare

atque errantem regere posset; praeesse autem suo nomine

exercitui ut praeter auctoritatem uires quoque ad coer­
cendum haberet. 4 Quod si fecisset, quietem Italiae,

133