Page 354 - Guerra civil

CAYO JULIO CÉSAR

quin uulneraretur, quattuorque ex vm cohorte centuriones

oculos amiserunt. 4 Et cum laboris sui periculique
testimonium adferre uellent, milia sagittarum circiter xxx
in castellum coniecta Caesari renumerauerunt, scutoque

ad eum relato Scaeuae centurionis inuenta sunt in eo
foramina cxx. 5 Quem Caesar, ut erat de se meritus

et de re publica, donatum milibus cc nummum ab octauis
ordinibus ad primipilum se traducere pronuntiauit (eius

enim ope castellum magna ex parte conseruatum esse
constabat) cohortemque postea duplici stipendio, frumento,

ueste, cibariis militaribusque donis amplissime donauit.

LIV. 1 Pompeius, noctu magnis additis munitioni­

bus, reliquis diebus turres extruxit et, in altitudinem

pedum xv effectis operibus, uineis eam partem castrorum
obtexit, 2 et quinque intermissis diebus alteram noctem
subnubilam nactus, obstructis omnibus castrorum portis

et ad impediendum obiectis, tertia inita uigilia silentio
exercitum eduxit et se in antiquas munitiones recepit.

LV (L V I).1 1 Omnibus deinceps diebus Caesar

exercitum in aciem aequum in locum produxit, si Pompeius
proelio decertare uellet, ut paene castris Pompei legiones

subiceret; tantumque a uallo eius prima acies aberat uti
ne telo tormentoue adigi posset. 2 Pompeius autem,

ut famam opinionemque hominum teneret, sic pro castris
exercitum constituebat ut tertia acies uallum contingeret,

omnis quidem instructus exercitus telis ex uallo abiectis
protegi posset.

132