Page 376 - Guerra civil

CAYO JULIO CÉSAR

insignia laureae praetulit. 4 At Labienus cum ab eo
impetrauisset ut sibi captiuos tradi iuberet, omnis, produc­

tos ostentationis, ut uidebatur, causa, quo maior perfugae
fides haberetur, commilitones appellans et magna uerbo-

rum contumelia interrogans solerentne ueterani milites

fugere, in omnium conspectu interfecit.

L X X II.1 1 His rebus tantum fiduciae ac spiritus
Pompeianis accessit, ut non de ratione belli cogitarent,

sed uicisse iam sibi uiderentur. 2 Non illi paucitatem
nostrorum militum, non iniquitatem loci atque angustias

praeoccupatis castris et ancipitem terrorem intra extraque
munitiones, non abscisum in duas partes exercitum, cum

altera alteri auxilium ferre non posset, causae fuisse cogi­
tabant. 3 Non ad haec addebant non ex concursu acri

facto, non proelio dimicatum, sibique ipsos multitudine
atque angustiis2 maius attulisse detrimentum, quam ab

hoste accepissent. 4 Non denique communis belli casus
recordabantur, quam paruulae saepe3 causae uel falsae

suspicionis uel terroris repentini uel obiectae religionis
magna detrimenta intulissent, quotiens uel ducis uitio uel

culpa tribuni 4 in exercitu esset offensum; sed proinde

ac si uirtute uicissent neque ulla commutatio rerum posset
accidere, per orbem terrarum fama ac litteris uictoriam
eius diei concelebrabant.

LXXIII. 1 Caesar ab superioribus consiliis depulsus
omnem sibi commutandam belli rationem existimauit.

2 Itaque, uno tempore praesidiis omnibus deductis et

143