Page 384 - Guerra civil

CAYO JULIO CÉSAR

et reliquorum dierum frustra labore suscepto, cum se
magnis itineribus extenderet et praegressos consequi cupe-

ret, quarta die1 finem sequendi fecit atque aliud sibi
consilium capiendum existimauit.

LXXVIII. 1 Caesari ad saucios deponendos, stipen­

dium exercitui dandum, socios confirmandos, praesidium

urbibus relinquendum necesse erat adire Apolloniam.
2 Sed his rebus tantum temporis tribuit quantum erat
properanti necesse; timens Domitio, ne aduentu Pompei

praeoccuparetur, ad eum omni celeritate et studio incitatus

ferebatur. 3 Totius autem rei consilium his rationibus
explicabat u t,1 si Pompeius eodem contenderet, a‘bduc-

tum 2 illum a mari atque ab iis copiis quas Dyrrachi com-
parauerat, frumento ac commeatu abstractum pari condi­

cione belli secum decertare cogeret; si in Italiam transiret,

coniuneto exercitu cum Domitio8 per Illyricum Italiae
subsidio proficisceretur; si Apolloniam Oricumque obpug-

nare et se omni marituma ora excludere conaretur, obsesso

Scipione necessario illum suis auxilium ferre cogeret.
4 Itaque praemissis nuntiis ad Cn. Domitium Caesar

scripsit et quid fieri uellet ostendit, praesidioque Apol­
loniae cohortium m i, Lissi una, m Orici relictis, quique

erant ex uulneribus aegri depositis, per Epirum atque

Athamaniam iter facere coepit. 5 Pompeius quoque de
Caesaris consilio coniectura iudicans ad Scipionem pro­

perandum sibi existimabat; si Caesar iter illo haberet, ut

subsidium Scipioni ferret; si ab ora marituma Oricoque

147