Page 30 - Vayikro

P. 30

‫ויקרא‬

‫אױסשלאָג האָט זיך ניט פֿאַרשפּרײט אין דעם בגד‪ ,‬אָדער אין דעם‬
‫גרונטװעב‪ ,‬אָדער אין דעם דורכװאַרף ‪,‬אָדער אין װאָסער עס איז זאַך‬
‫פֿון פֿעל‪ 54 ,‬זאָל דער כֹּהן הײסן מע זאָל װאַשן דאָס װאָס דער‬
‫אױסשלאָג איז דערין‪ ,‬און ער זאָל עס א ַײנשליסן אַ צװײט מאָל אױף‬
‫זיבן טעג‪ 55 .‬און אַז דער כֹּהן װעט זען‪ ,‬נאָכדעם װי מע האָט‬
‫געװאַשן דעם אױסשלאָג‪ ,‬ערשט דער אױסשלאָג האָט ניט געביטן‬
‫ז ַײן אָנבליק‪ ,‬הגם דער אױסשלאָג האָט זיך ניט פֿאַרשפּרײט‪ ,‬איז דאָס‬
‫אומרײן; אין פֿ ַײער זאָלסטו עס פֿאַרברענען‪ .‬אַן אױסעסונג איז דאָס‪,‬‬
‫ס ַײ דאָס איז אױף דער לינקער ז ַײט‪ ,‬ס ַײ אױף דער רעכטער‪ 56 .‬און‬
‫אױב דער כֹּהן װעט זען‪ ,‬ערשט דער אױסשלאָג איז געװאָרן מאַט‬
‫נאָכדעם װי מע האָט אים געװאַשן‪ ,‬זאָל ער אים אַראָפּר ַײסן פֿון דעם‬
‫בגד‪ ,‬אָדער פֿון דעם פֿעל‪ ,‬אָדער פֿון דעם גרונטװעב‪ ,‬אָדער פֿון דעם‬
‫דורכװאַרף‪ 57 .‬און אױב ער װעט זיך װידער באַװ ַײזן אין דעם בגד‪,‬‬
‫אָדער אין דעם גרונטװעב‪ ,‬אָדער אין דעם דורכװאַרף‪ ,‬אָדער אין‬
‫װאָסער עס איז זאַך פֿון פֿעל – ברעכט דאָס אױס; זאָלסטו אין פֿ ַײער‬
‫פֿאַרברענען דאָס װאָס דער אױסשלאָג איז דערין‪ 58 .‬און דער בגד‪,‬‬
‫אָדער דער גרונטװעב‪ ,‬אָדער דער דורכװאַרף‪ ,‬אָדער װאָסער עס איז‬
‫זאַך פֿון פֿעל‪ ,‬װאָס דו װעסט װאַשן און דער אױסשלאָג װעט זיך‬

‫אָפּטאָן דערפֿון‪ ,‬זאָל געװאַשן װערן אַ צװײט מאָל‪ ,‬און ז ַײן רײן‪.‬‬

‫‪ 59‬דאָס איז דער דין פֿון דער פּלאָג פֿון צרעת אין אַ בגד פֿון װאָל‬
‫אָדער פֿלאַקס‪ ,‬אָדער אין גרונטװעב‪ ,‬אָדער אין דורכװאַרף‪ ,‬אָדער אין‬
‫װאָסער עס איז זאַך פֿון פֿעל‪ ,‬דאָס צו מאַכן פֿאַר רײן‪ ,‬אָדער דאָס צו‬

‫מאַכן פֿאַר אומרײן‪.‬‬

‫מצוֹרע‬

‫‪ 1‬און גאָט האָט גערעדט צו משהן‪ ,‬אַזױ צו זאָגן‪ 2 :‬דאָס זאָל‬

‫ז ַײן דער דין פֿון מצוֹרע אין טאָג פֿון ז ַײן רײניקונג‪ :‬ער זאָליד‬

‫געבראַכט װערן צום כֹּהן‪ 3 .‬און דער כֹּהן זאָל אַרױסגײן אױסן‬
‫לאַגער‪ ,‬און אַז דער כֹּהן װעט זען‪ ,‬ערשט די פּלאָג פֿון צרעת איז‬
‫פֿאַרהײלט אױפֿן מצוֹרע‪ 4 ,‬זאָל דער כֹּהן הײסן מע זאָל נעמען פֿאַר‬
‫דעם װאָס רײניקט זיך צװײ לעבעדיקע רײנע פֿױגלען‪ ,‬און‬
‫צעדערהאָלץ‪ ,‬און װערמילרױט‪ ,‬און ֵאזוֹבֿ‪-‬גראָז‪ 5 .‬און דער כֹּהן זאָל‬
‫הײסן מע זאָל שעכטן אײן פֿױגל אין אַ לײמענער כּלי איבער‬

25 26 27 28 29 30 31 32 33 34 35