Page 148 - Safarova N., Safarov B. elektron darslik

Adabiyotlar ustida ishlash -Tadqiqot maqsadini tо‘g‘ri belgilash uchun ayni

muammoga oid adabiyotlar bilan chuqur tanishish lozim. Buning yana muhim

tomoni tadqiqotlarning takrorlanishi yoki avval о‘rganilgan mavzuga qayta qо‘l

urilishining oldini olishdir. Adabiyotlar bilan tanishish ishchi taxminni tuzish,

dolzarbligini anglash, tadqiqotlardagi yangilikni kо‘rsatish, eksperimentlar

dasturi va uslubiyotini tanlash imkonini beradi.

Ishchi gipoteza - о‘rganilayotgan jarayondan olinadigan natijalar va

qonuniyatlarni keltirib chiqaradigan, asoslaydigan va tushuntirib beradigan

sabablarni aniqlash uchun tuziladigan taxmin. U izohlanadigan umumnazariy va

amaliy mulohaza va mushohadalarga tо‘la mos kelishi, mantiqan sodda va oson

qiyoslanadigan holatda bо‘lishi lozim.

Mavzuning dolzarbligi -uning о‘rganilganlik darajasini ifodalashi va

masalaning yechimi uchun kerak bо‘ladigan masalalarni о‘zida

mujassamlashtirishi kerak.

Izlanishlardagi yangilik - deganda, tadqiqotlar jarayonida olinishi lozim

bо‘lgan yangi ma’lumotlar tо‘g‘risida sо‘z yuritiladi. Bu bо‘limda tadqiqotning

barcha vazifalari takrorlanmasdan eng asosiylari atab о‘tiladi.

Tadqiqotning nazariy yoki amaliy ahamiyati mavzusi asosida olinadigan

natijalar ishlab chiqarish yoki fan yо‘nalishiga qanday foyda berishini о‘zida
ifodalaydi.

Ishchi dastur - eksperimentni bajarish yо‘l-yо‘rig‘ini о‘zida
mujassamlashtiradigan xujjat. Dastur о‘z ichiga tadqiqot vazifalariga tо‘la mos

keladigan barcha eksperimental va nazariy aspektlarni oladi. Tajriba dasturi
chuqur о‘ylanishi, о‘zida tajriba tizimi, kuzatish va tahlillarni amalga oshirish

shart-sharoitlari, eksperimentni yо‘lga qо‘yish va о‘tkazish uslubiyotini ifoda

qilishi, hamda tarkibiga kuzatish va laboratoriya sharoitida bajariladigan

analitik ishlar mazmunini shuningdek, olinadigan natijalar tahlili, yakun va

xulosalarni olishi kerak.

148