Page 26 - Safarova N., Safarov B. elektron darslik

Suvli muhit tajribalarida substrat vazifasini distillangan suv, mikroelementlar

bilan о‘tkaziladigan taddqiqotlarda esa bidistillangan suv bajaradi.

Idishlarni tanlash va tayyorlash. Suvli muhitda о‘tkaziladigan tajribalarning

maqsad va vazifalaridan kelib chiqqan holda keng bо‘g‘izli, 3-10 l sig‘imli shisha

yoki plastmassadan tayyorlangan idishlar ishlatiladi. Donli, don-dukkakli va moyli

ekinlar uchun 3-5 l sig‘imli, g‘о‘za, qandlavlagi va boshqa ildizmevali ekinlar

uchun 6-8 l sig‘imli idishlarni ishlatish maqsadga muvofiqdir.

Idishlar tajriba oldidan yaxshilab yuviladi va quritiladi. Har bir idish og‘ziga

zich joylashadigan yog‘och qopqoqlar tayyorlanadi. Qopqoqlarda ekin turiga qarab

(g‘alla ekinlari uchun 4-5 ta, yirik ekinlar uchun esa 1 ta) 1,5-2,0 sm diametrli

teshikchalar ochiladi. Aytilganlarda tashqari qopqoqda yana bitta qо‘shimcha

teshikcha ochiladi va undan eritmaga vaqti-vaqti bilan havo puflanadi.

Qopqoqlar idishdagi oziq eritmani shimib, bо‘kib qolmasligi uchun parafin

eritmasiga botirib olinadi. Idishlarga qо‘sh qavatli g‘ilof (ichki qatlami qora va

tashqi qatlami oq)lar kiydiriladi. G‘ilof idishdan birmuncha balandroq qilib

tayyorlanadi. Uning bog‘ichi tortib bog‘langanda, qopqoqni idishga zichlanib

turishiga yordam beradi.

26