Page 50 - ХАМИДОВА ЗУЛФИЯ АХМАДЖОНОВНА - monografiya
P. 50
«Wired» журналининг директори К.Андерсоннинг
таъкидлашича, кейинги саноат инқилобига юқори даражадаги
индивидуаллаштирилган маҳсулотларни кичик миқёсда етказиб
беришга қодир юқори технологияли ҳунармандчилик
корхоналарининг янги авлоди раҳбарлик қилади 115 .
С.Микелли Италияда «Мade in Italy» учун порлоқ келажакнинг
калити сифатида ҳунармандчиликка эътибор қаратиш билан бирга
ҳунармандчиликнинг бой тарихи ва анъаналарини Италия
корхоналарининг рақобатдошлигини оширишда ҳал қилувчи
элемент сифатида белгилайди 116 .
Бугунги кунда етакчи ҳунармандчилик маданиятининг
намуналари шуни кўрсатмоқдаки, у ёки бу ҳудудда
ҳунармандчиликни ривожлантириш учун кўпроқ ресурсларни жалб
этиш ёки ҳунармандчилик мактабларини очиш йўлидаги
ислоҳотларнинг ўзи етарли эмас, бунинг учун қўлда ишлаш
кўникмаларини қайта баҳолаш ва сифат учун тўлашга тайёрлик каби
қийматларни ўзгартириш керак 117 . Шунингдек, давлатнинг
ҳунармандчиликни қўллаб-қувватлаш борасидаги сиёсати,
ҳунармандчиликнинг амалдаги таъриф-тавсифига қараб фарқланади.
Бир томондан, ҳунармандчилик маданий мероснинг бир қисми
ҳисобланади, бошқа томондан, ҳунармандчилик CCI (Cultural and
creative industries) нинг бир қисми сифатида қаралади. Бу ҳолда,
қўллаб-қувватлашнинг асосланиши жамоат товарлари, ташқи
омиллар, ўзига хослиги ва тарихий қийматига боғлиқ бўлиши билан
бирга ҳунармандчиликнинг асраб-авайланиши ва келажак
авлодларга етказилиши масаласи туради 118 .
Ҳунармандчилик фаолиятида ҳам деярли универсал элементлар
мавжуд, яъни:
- қўл меҳнати ва асбоблардан фойдаланиш;
- ҳунарманд тушунчасини касб ёки касб тушунчаси билан
боғлайдиган меҳнат ихтисослиги;
115 Anderson C. In the next industrial revolution, atoms are the new bits, Wired, January 2010.
https://www.wired.com/2010/01/ff_newrevolution/.
116 Micelli S. Futuro Artigiano, 2011, Marsilio Editori.
117 Mignosa A., Kotipalli P. A Cultural Economic Analysis of Craft. Switzerland. Springer Nature Switzerland AG.
2019. vii -p.
118 Mignosa A. Policies for Crafts: Rationale and Tools. A Cultural Economic Analysis of Craft, 2019. 56-p.
48
