Page 652 - Innovatsion iqtisodiyot

INNOVATSION IQTISODIYOT
Akram XASHIMOV
15.2. Innovatsion faoliyat marketing obyekti sifatida
Bozor bosqichida yangiliklarni joriy etish innovatsion jarayonda
moddiylashadi. Innovatsion jarayon, deyilganda yangi mahsulot
va xizmatlarni ishlab chiqarishda ilmiy, texnik, ishlab chiqarish,
marke ting va sotish jarayonlarini qamrab oluvchi va muayyan
ijtimoiy ehtiyojlarni qondirishga qaratilgan faoliyat tushuniladi.
Ushbu jarayon ning asosiy tomoni va xususiyati innovatsion

layoqat hisoblanadi. Innovatsion layoqat mamlakatda ijtimoiy va
iqtisodiy hayotni tashkil etishning tarkibiy xususiyati yoki alohida
korporatsiyaning yangi mahsulot va xizmatlarni ishlab chiqarish
va tarqatishni tezkor qabul qila olish qobiliyatini ifoda etadi. Buni
quyidagi misoldan ham bilib olish mumkin: Hindistonning ilmiy
rivojlanish darajasi ancha yuqori bo‘lsa-da, ammo innovatsion
salohiyati past. Shu bilan birga, tegishli ilmiy bazaga ega bo‘lmagan
holda, baʼzi sohalarda texnologik jarayonlarda yetakchiga aylangan
yuqori innovatsion qobiliyatga ega bo‘lgan bir qator davlatlar

(Yaponiya, Tayvan, Janubiy Koreya) boshqa mamlakatlarning ilmiy-
texnik salohiyatiga tayanadilar.

651