Page 734 - Innovatsion iqtisodiyot

INNOVATSION IQTISODIYOT
Akram XASHIMOV
Franchayzing – o‘zaro bitim asosidagi tijorat faoliyati bo‘lib, unga
ko‘ra tovar va xizmatlarning egasi maʼlum bir shartlar asosida boshqa
shaxslarga mazkur tovar va xizmatlarni tarqatish huquqini taqdim
etadi.
Foydalanganlik uchun to‘lov - tovarlarni (ishlarni, xizmatlarni)

isteʼmol qiluvchilardan davlat-xususiy sheriklik to‘g‘risidagi bitimga
muvofiq davlat-xususiy sheriklik loyihasini amalga oshirish doirasida
xususiy sherik tomonidan yig‘ib olinadigan to‘lovlar.
Funksional menejer – tashkilot faoliyati uchun zarur bo‘lgan
funksiyalardan birini bajaruvchi bo‘lim ishi uchun javobgar bo‘lgan
menejer.
Funksional tuzilma – bunday tashkiliy tuzilmada bo‘limlarga
lavozimlarni birlashtirish qobiliyat, tajriba va resurslardan foydala-
nishning o‘xshashligi asosida amalga oshiriladi.

Foydali model – bu moslamaga taalluqli texnik yechim. Ishlab
chiqarish vositalarining konstruktiv bajarilishi va isteʼmol qilish
predmetlari hamda ularning tarkibiy qismi foydali modellarga kiradi.
Fonogramma – biron-bir ijroning, boshqa ovozlarning har qanday
mutlaqo ovozli yozuvi, audiovizual asarga kiritilgan ovozli yozuv
bundan mustasno.
Fonogramma nusxasi – har qanday moddiy jismdagi,

fonogrammadan bevosita yoki bilvosita tayyorlangan va shu
fonogrammada qayd etilgan ovozlarning hammasini yoxud bir
qismini qamrab olgan fonogramma ko‘chirmasi.
Fonogrammani tayyorlovchi – ijroning yoki boshqa ovozlarning
birinchi ovozli yozuvi uchun tashabbus va masʼuliyatni o‘z zimmasiga
olgan yuridik yoki jismoniy shaxs.
Fond birjasi – ommaviy va oshkora birja savdolarini oldindan
belgilangan joyda va belgilangan vaqtda o‘rnatilgan qoidalar asosida
tashkil etish hamda o‘tkazish orqali faqat qimmatli qog‘ozlar savdosi

uchun sharoitlar yaratib beruvchi yuridik shaxs.
Fiskal siyosat – 1) hukumat tomonidan qo‘yilgan makroiqtisodiy
maqsadlarga erishish uchun hukumatning xarajat va soliq funksiya-
larini ongli ravishda qo‘llash; 2) budjet, soliq va boshqa moliyaviy

733