Page 742 - Innovatsion iqtisodiyot

INNOVATSION IQTISODIYOT
Akram XASHIMOV
aniqlash, ularga barham berish, shuningdek korrupsion jinoyatlar-
ning sodir etilishi sabablarini va ularga imkon berayotgan shart-
sharoitlarni aniqlash, bartaraf etish maqsadida chora-tadbirlar
amalga oshirish.
Kriptovalyuta – raqamli valyutaning bir ko‘rinishi bo‘lib, uning

yaratilishi va nazorat qilinishi kriptografik usullar yordamida amalga
oshiriladi.
Konsessiya – davlat-xususiy sheriklikning shakllaridan biri bo‘lib,
bunda davlat xususiy sherikka konsessiya shartnomasida nazarda
tutilgan xo‘jalik faoliyatining muayyan turini amalga oshirish uchun
ruxsatnoma bergan holda mol-mulkni va yer uchastkalarini taqdim
etadi.
Kabel orqali yuborish – asarlarni yoki turdosh huquqlar obyekt-
larini kabel, sim yoki shunga o‘xshash vositalar yordamida barcha-

ning eʼtibori uchun yuborish.
Korporativ obligatsiyalar – aksiyadorlik jamiyatlari, masʼuliyati
cheklangan va qo‘shimcha masʼuliyatli jamiyatlar tomonidan
chiqariladigan obligatsiyalar.
Kliring – qimmatli qog‘ozlar savdosining tashkilotchilari
tomonidan ro‘yxatdan o‘tkazilgan qimmatli qog‘ozlarga doir bitimlar
bo‘yicha o‘zaro majburiyatlarni aniqlash, aniqlashtirish va hisobga

olish.
Litsenziya (lotincha “licentia” – ruxsat, huquq) – bu intellektual
mulk obyektiga mutlaq huquqqa (ixtiro, foydali model yoki sanoat
namunasi uchun patent) ega bo‘lgan biror bir yuridik yoki jismoniy
shaxs (litsenziar) ning qonun yo‘li bilan muhofaza qilinuvchi
intellektual mulk obyektini boshqa bir shaxs (litsenziat)ga maʼlum
bir shartlar asosida foydalanish huquqini beruvchi huquqiy hujjatdir.
Listing – qimmatli qog‘ozlarni fond birjasida savdoga qo‘yish
qoidalari.

Milliy xavfsizlik – manfaatlarni himoyalashning umumiy shakli
sifatida manfaat va ehtiyojlarni qondirish, moddiy, maʼnaviy, umum-
insoniy qadriyatlardan bahramand bo‘lish va farovonlikka in ti lish
to‘g‘risidagi barcha tasavvurlarni ifodalaydi.

741