Page 53 - m

‫‪51‬‬ ‫إبداع ومبدعون‬

‫رؤى نقدية‬

‫محمد حسني إبراهيم‬

‫دول مين ياعلاء‬

‫مهداة الى حمدي ابو جليل‬

‫داخلين بنية يوجعوا‬
‫ويسيبوا ليهم ع الحيطان حكايات كتير‬
‫ب ضلوع بتشبه روح فراقهم كالضلوع‬

‫ودموع بتتهجى مسافات الوجع‬
‫شايف‬

‫ب تشتاق العيون‬
‫عارف خطاوي ل مشيها‬
‫اتهجى بس معايا قول كلمة سلام‬
‫السين سنين او سيما فيها افلام واسمك ع الافيش‬
‫والسين سنابل طارحة حلم ماينتهيش‬
‫أو سين سماها ضيقة وانت براحك ف المدى ولا ليه‬

‫حدود‬
‫مين دول تقولها بسخرية‬
‫وعلاء بيتهجى الملامح يعرفوك‬

‫مين دول؟‬
‫قرايب جدنا‬
‫أو دول مصاير ناس هنا‬
‫عارفين ماضيها ف رحلتك‬
‫النية كانت للخروج‬
‫مع حور من الجنة ونور مابينطفيش‬
‫والنية كانت تبقى لام‬
‫تقسم مابين السين ولام نقطة من الحبر الغميق‬
‫أهو يبقى كلمة وقلتها‬
‫النية كانت للسلام مش للفراق‬
‫نزلت بسرعة دمعتك‬
‫وساعتها جايلك بافتكر‬
‫وامسح بايدي دموع ف عين‬
‫مين دول وقول‬
‫سايبين ل نخلك تمر صيص‬
‫وف حضن قلبك موضعه‬
‫داخلين بنية يوجعوا‬