Page 18 - Welsh CCSE in ALN and AP Settings Report

Serch hynny, mae'r Prosiect Arloesi wedi cyflwyno ystod eang o weithgareddau sy'n
ymwybodol o'r amgylchedd a chymdeithasol sy'n cyfrannu'n gadarnhaol at ddatblygiad
dysgwyr a'u cymunedau. Mae'r rhain yn cynnwys ffair ‘ail-law’ lle’r oedd eitemau a
roddwyd yn cael eu dosbarthu am ddim i grwpiau difreintiedig, casglu sbwriel
cymunedol, a phrosiect celf yn creu blancedi o becynnau creision i gefnogi pobl
ddigartref.

Mae gweithgareddau ymarferol, dan arweiniad dysgwyr fel y rhain yn ennyn diddordeb
pobl ifanc yn ystyrlon, gan eu galluogi i ddatblygu sgiliau ymarferol tra hefyd yn dysgu
am effaith amgylcheddol a chymdeithasol. Gall y profiadau hyn wella cyfathrebu,
creadigrwydd ac ymdeimlad o gysylltiad dysgwyr â'u cymunedau lleol.

6.2 YSGOL CRUG GLAS, YSGOL PENYRHEOL STF AC
AWEL AMAN TAWE

Crëwyd prosiect celf yn seiliedig ar yr amgylchedd gan Ysgol Crug Glas, Ysgol Penyrheol
STF ac Awel Aman Tawe. Rhoddodd Awel Aman Tawe gefnogaeth ariannol i artistiaid
proffesiynol weithio gyda dysgwyr o Ysgol Crug Glas ac Ysgol Penyrheol, gan arwain at
arddangosfa gelf ryngweithiol yn y Volcano Theatre yn Abertawe. Er bod ganddynt
anableddau dysgu dwys a lluosog, roedd dysgwyr yn Ysgol Crug Glas yn gallu cymryd
rhan mewn gweithgareddau creu celf trwy ymgysylltu synhwyraidd ag eitemau fel glo,
tywod a goleuadau.

Roedd dysgwyr mwy abl o Ysgol Penyrheol yn gallu ymgysylltu ymhellach ag artistiaid
proffesiynol i ddatblygu cynfasau mawr sy'n darlunio dealltwriaeth dysgwyr o ynni
adnewyddadwy. Crëwyd cân sy'n cyfuno lleisiau dysgwyr o Ysgol Crug Glas ac Ysgol
Penyrheol hefyd ar gyfer yr arddangosfa gyda chefnogaeth artist proffesiynol.

18